22:19 26 մայիսի 2019
Ուղիղ եթեր
  • USD480.03
  • GBP609.35
  • EUR537.15
  • RUB7.44
Ոստիկաններ

Օպերայի տարածքից բերման ենթարկվածներից 17-ին ազատ են արձակել. մանրամասները` ՄԻՊ–ից

© Sputnik / Asatur Yesayants.
Հայաստան
Ստանալ կարճ հղումը
Բողոքի ակցիա Երևանում. ինչո՞ւ են քանդում օպերային հարակից սրճարանները (32)
65 0 0

Մարդու իրավունքների պաշտպանն այցելել է բերման ենթարկվածներին ու նրանց մասին տեղեկություններ հրապարակել։

ԵՐԵՎԱՆ, 14 մարտի — Sputnik. Օպերայի հարակից տարածքից Ոստիկանության բաժին բերման ենթարկված 19 անձանցից 17–ն արդեն ազատ են արձակվել։ Facebook սոցիալական ցանցի իր էջում այս մասին հայտնում է ՀՀ մարդու իրավունքների պաշտպան (ՄԻՊ) Արման Թաթոյանը։

Նա նշում է, որ ՄԻՊ գրասենյակի ներկայացուցիչներն այցելել են բերման ենթարկված 19 անձանց` նրանց իրավունքների երաշխավորման նպատակով։

Պաշտպանի ներկայացուցիչներն առանձնազրույցներ են ունեցել բերման ենթարկվածների հետ, ստուգել բերման ենթարկելու հիմքերն ու իրավունքների ապահովման վիճակը:

Արձանագրվել է, որ 17 անձ վարչական բերման են ենթարկվել ոստիկանի օրինական պահանջը չկատարելու, 1 անձ՝ դիտավորությամբ գույքը ոչնչացնելու, 1 անձ՝ իշխանության ներկայացուցչի նկատմամբ բռնություն գործադրելու համար։

Գույքի ոչնչացման ու իշխանության ներկայացուցչի նկատմամբ բռնություն գործադրելու կասկածանքով բերման ենթարկած 2 անձինք դեռ մնում են ոստիկանությունում։ Նրանց նկատմամբ նյութեր են նախապատրաստվում։

Պաշտպանը նշում է, որ օպերայի հարակից տարածքի սրճարանների ապամոնտաժման հետ կապված իրադարձությունները գտնվում են իրենց գրասենյակի մշտադիտարկման ներքո։

թեմա:
Բողոքի ակցիա Երևանում. ինչո՞ւ են քանդում օպերային հարակից սրճարանները (32)

Ըստ թեմայի

Հայկ Մարությանը դիմել է երևանցիներին
Հիմա էլ «Հայկո ջան, կարգին չի՞». ինչպես թե ո՞ւր է քաղաքապետը… «Ֆեյսբուքում» է
Ազատության հրապարակում իրավիճակը շարունակում է լարված մնալ
թեգերը:
Հայաստան

Գլխավոր թեմաներ