08:36 19 մարտի 2019
Ուղիղ եթեր
  • USD486.52
  • GBP644.88
  • EUR552.15
  • RUB7.53
Բողոքի ակցիա. 14.03.2018

Քաղաքացուն հարվածած ոստիկանի լիազորությունները դադարեցվել են

© Sputnik / Asatur Yesayants.
Հայաստան
Ստանալ կարճ հղումը
Բողոքի ակցիա Երևանում. ինչո՞ւ են քանդում օպերային հարակից սրճարանները (32)
191 0 0

Վալերիյ Օսիպյանի կարգադրությամբ` դեպքի վերաբերյալ սկսվել է ծառայողական քննություն։

ԵՐԵՎԱՆ, 15 մարտի — Sputnik. Օպերայի հարակից տարածքի սրճարանների ապամոնտաժման ժամանակ երեկ` մարտի 14–ին, քաղաքացիներից մեկին հարվածած ոստիկանի լիազորությունները դադարեցվել են։ Այս մասին պարզաբանում է տարածել ՀՀ ոստիկանությունը։

Ոստիկանությունից տեղեկացնում են, որ երեկ մի տեսանյութ է շրջանառվել, որտեղ երևում է` ինչպես է ոստիկանության ծառայողը ոտքով ու ձեռքով հարվածում քաղաքացուն։

Ոստիկանության պետ Վալերիյ Օսիպյանի կարգադրությամբ` ոստիկանության ներքին անվտանգության վարչությունում դեպքի վերաբերյալ սկսվել է ծառայողական քննություն։ Արդյունքների մասին կտեղեկացվի քննության ավարտից հետո:

Նշենք, որ օպերայի հարակից տարածքում գտնվող սրճարանների տերերն ու աշխատակիցներն մարտի 14–ին բողոքի ակցիայի էին դուրս եկել։ Նրանց կռիվը Երևանի քաղաքապետարանի դեմ է, որը որոշել է ապամոնտաժել Ազատության հրապարակի հարակից սրճարաններն ու ծառեր տնկել այնտեղ։

Մարդիկ փակել էին Մաշտոց պողոտան և պահանջում էին դադարեցնել սրճարանների ապամոնտաժումը։ Նրանք հայտարարում էին, որ գումար են ներդրել, բարեկարգել և կառուցապատել տարածքը, իսկ ապամոնտաժումը նրանց ֆինանսական վնասներ կհասցնի։ Բացի այդ, մեծ մասը գործազուրկ կդառնա։

Քաղաքապետարանը վստահեցնում է, որ ապամոնտաժման գործընթացն իրականացվում է օրինականության և նախկին վարձակալների հետ պայմանագրերի տառին համապատասխան։ Երևանի քաղաքապետարանը դեռ 2018-ի դեկտեմբերի 13-ին ծանուցումներ է ուղարկել Օպերայի հարակից տարածքում վարձակալության իրավունքով գործունեություն ծավալող 5 տնտեսվարողի, որ համաձայն պայմանագրի` երեսնօրյա ժամկետում դադարելու է վարձակալության պայմանագրի գործողությունը։

Կադաստրի պետական կոմիտեն 30-օրյա ժամկետը լրանալուց հետո քաղաքապետարանի հարցման հիման վրա դադարեցրել է վարձակալության իրավունքը։ Այնուհետև քաղաքապետարանը փետրվարի 13-ին ծանուցումներ է ուղարկել արդեն նախկին վարձակալներին՝ առաջարկելով ողջամիտ ժամկետում մաքրել տարածքն իրենց գույքից, այդ թվում՝ ինքնակամ կառույցներից։ Սակայն նախկին վարձակալները չեն մաքրել տարածքը, և քաղաքապետարանի համապատասխան ստորաբաժանումներն են սկսել ապամոնտաժել կառույցները՝ կանաչապատման աշխատանքները սկսելու համար։

Այսօր ապամոնտաժման աշխատանքները վերսկսվել են, բայց իրավիճակը համեմատաբար խաղաղ է։

 

 

թեմա:
Բողոքի ակցիա Երևանում. ինչո՞ւ են քանդում օպերային հարակից սրճարանները (32)

Ըստ թեմայի

«Մեսչյանը հանգստացրեց». ինչպես են շարունակում աշխատել օպերայի հարակից հաստատությունները
Օպերայի տարածքից բերման ենթարկվածներից 17-ին ազատ են արձակել. մանրամասները` ՄԻՊ–ից
Սարգսյան. «Ես դեմ եմ, որ օպերայի տարածքն ամբողջությամբ կանաչապատվի»
թեգերը:
Վալերի Օսիպյան, ՀՀ Ոստիկանություն, Երևան

Գլխավոր թեմաներ