01:34 27 մարտի 2019
Ուղիղ եթեր
  • USD486.15
  • GBP641.62
  • EUR550.13
  • RUB7.56
Օպերա

Քննարկվում է Օպերայի հրապարակի տարածքը սալիկապատելու գաղափարը

© Sputnik / Asatur Yesayants
Հայաստան
Ստանալ կարճ հղումը
Բողոքի ակցիա Երևանում. ինչո՞ւ են քանդում օպերային հարակից սրճարանները (32)
37110

Օպերայի շենքի գիշերային լուսավորման համակարգը կփոխվի, ինչպես նաև Օպերայի տանիքի վրա տեղադրված ալեհավաքները կտեղափոխվեն։

ԵՐԵՎԱՆ, 15 մարտի — Sputnik. Ոչ միայն ապամոնտաժվող սրճարանների տարածքում, այլ նաև ամբողջ Օպերայի շրջանում գաղափար կա իրականացնել գեղարվեստական ձևավորման աշխատանքներ։ Այս մասին լրագրողների հետ զրույցում ասաց Երևանի քաղաքապետի մամուլի քարտուղար Հակոբ Կարապետյանը։

Նա նշեց նաև, որ Օպերայի շենքի գիշերային լուսավորման համակարգը կփոխվի, ինչպես նաև Օպերայի տանիքի վրա տեղադրված ալեհավաքները կտեղափոխվեն. քննարկվում է նաև Օպերայի հրապարակի տարածքը սալիկապատելու գաղափարը։ «Ապամոնտաժված սրճարանների տարածքը կկանաչապատվի, կլինեն սիզամարգեր, թփեր։ Տարվա ընթացքում մրցույթ կհայտարարվի` տարածքում գտնվող նստարանների ձևավորման հարցը լուծելու համար։ Արդյունքում այս տարի կունենանք ուղղակի կանաչ տարածք, մյուս տարի արդեն տարածքն ամբողջական տեսքի կբերվի»,–ասաց Կարապետյանը` հավելելով, որ քաղաքի կերպարանափոխությունը շարունակական է լինելու։

Նա նշեց նաև, որ կարելի է ենթադրել` Օպերայի տարածքում գործող սրճարանների գործունեությունը ոչ այնքան իրավական հիմքի վրա էր հիմնված, այլ բանավոր պայմանավորվածությունների, գուցե նաև ստվերային գործարքների։ «Իսկ այս պահին տեղի ունեցող գործընթացը տեղի է ունենում իրավական ամուր հիմքերի վրա»,–հավաստիացրեց Կարապետյանը։

Անդրադառնալով ապամոնտաժված սրճարանների` առանց աշխատանքի մնացած աշխատակիցների խնդրին` Կարապետյանը նշեց, որ իր կարծիքով ոլորտում աշխատանք գտնելՆ այնքան էլ դժվար չէ, ավելի ճիշտ` հեշտ է։ «Կարծում եմ` այն, որ ասում էին, թե այս սրճարաններում 300-400 աշխատակից կա, այդ թիվը խիստ ուռճացված է։ Ըստ մեր տվյալների` այստեղ աշխատում է ամենաշատը 2-3 տասնյակ քաղաքացի, նկատի ունեմ` գրանցված աշխատակիցներին»,–ասաց Կարապետյանը։

Նա հիշեցրեց նաև, որ երեկ Երևանի քաղաքապետ Հայկ Մարությանը հայտարարել էր, որ ժամանակի ընթացքում Օպերայի տարածքի մյուս հատվածներին էլ է անդրադարձ կատարվելու։

Հիշեցնենք, որ այսօր առավոտից կրկին մեկնարկել են Օպերայի հարակից տարածքում գտնվող սրճարանների ապամոնտաժման աշխատանքները։ Տեղում աշխատում են Երևանի քաղաքապետարանի համապատասխան ստորաբաժանումների, ինչպես նաև «Կենտրոն կանաչապատման» աշխատակիցները։

Տեղում իրավիճակը, ի տարբերություն երեկվա, բավական հանգիստ է, և սրճարանի աշխատակիցները չեն խոչընդոտում ապամոնտաժման աշխատանքներին։

Ի դեպ,  երեկ Երևանի քաղաքապետ Հայկ Մարությանը հայտարարել է, որ Օպերայի հարակից տարածքի սրճարանների ապամոնտաժման պրոցեսը 100 տոկոսով իրավական է:

թեմա:
Բողոքի ակցիա Երևանում. ինչո՞ւ են քանդում օպերային հարակից սրճարանները (32)

Ըստ թեմայի

Օպերայի սրճարանների ապամոնտաժման աշխատանքները դադարեցվել են
Բողոքի ակցիա Երևանում. սրճարանների աշխատողները փողոց են փակել. տեսանյութ
Քաղաքապետ Հայկ Մարությանը գնացել է Համալսարանական թիվ 1 հիվանդանոց
թեգերը:
Հայկ Մարության, Երևան

Գլխավոր թեմաներ