08:34 21 մարտի 2019
Ուղիղ եթեր
  • USD485.91
  • GBP642.42
  • EUR551.46
  • RUB7.55
Վլադիմիր Կարապետյան

«Բաղրամյան 26»–ի հաղորդագրության որոշ բաներ չեն համապատասխանում իրականությանը. Կարապետյան

© Sputnik / Asatur Yesayants.
Հայաստան
Ստանալ կարճ հղումը
267 0 0

ՀՀ վարչապետ Նիկոլ Փաշինյանի մամուլի քարտուղար Վլադիմիր Կարապետյանը Sputnik Արմենիայի հետ զրույցում անդրադարձել է Telegram-ի «Բաղրամյան 26» ալիքով իր մասին տարածված տեղեկությանը։

ԵՐԵՎԱՆ, 15 մարտի — Sputnik. Telegram-ում «Բաղրամյան 26» ալիքն այսօր տեղեկություն է տարածել, թե ՀՀ վարչապետի մամուլի քարտուղար Վլադիմիր Կարապետյանը ռուսաստանցի լրագրող Ռոման Բաբայանից կատակով հոնորար է պահանջել մարտի 1-ի իրադարձությունների մասին նրա հեղինակած ֆիլմում իր հարցազրույցի համար։

Այս հրապարակումը Sputnik Արմենիայի հետ զրույցում Վլադիմիր Կարապետյանը չցանկացավ մեկնաբանել, միայն նշեց, որ Մոսկվայում Ռոման Բաբայանի հետ հանդիպմանը հոնորարի մասին իր հիշատակումը կատակ է եղել։

Կարապետյանն ու Բաբայանը հանդիպել են մարտի 11-ին Մոսկվայում ՌԴ առաջատար լրատվամիջոցների խմբագիրների և լրագրողների հետ Վլադիմիր Կարապետյանի հանդիպման շրջանակում։

«Հանդիպման ժամանակ, քանի որ ուրիշ մարդիկ էլ կային, ես կատակեցի, որ եկել եմ իմ հոնորարի հետևից, քանի որ զգուշացված չէի այդ ֆիլմում իմ նկարահանման մասին»,– իր կատակն այսպես է վերապատմում Վլադիմիր Կարապետյանը։

«Բաղրամյան 26» ալիքը ևս իր տարածած հաղորդագրության մեջ հիշեցնում է, որ Ռոման Բաբայանն իր ֆիլմի համար 100 000 դոլար հոնորար է ստացել, և հավելում. «այդ հանդիպմանը Վլադիմիր Կարապետյանը Բաբայանի հետ խոսել է այդ ֆիլմի մասին, որում կար նաև իր հարցազրույցը, և կատակով նրանից հոնորար խնդրել այդ արկածախնդրությանը մասնակցելու համար»։

Մեկնաբանելով «Բաղրամյան 26»–ի տարածած տեղեկությունը` Վլադիմիր Կարապետյանն ասաց. «Ցավոք, այնտեղ բաներ կան, որ չեն համապատասխանում իրականությանը»։

Ըստ երևույթին, խոսքը վերաբերում է հաղորդագրության վերջին պարբերությանը, որտեղ նշվում է, թե Կարապետյանի այդ կատակից հետ Բաբայանը շփոթվել է ու սկսել արդարանալ, իսկ Կարապետյանը «իրավիճակը չսրելու համար կատակի է վերածել ու Բաբայանին հրավիրել ևս մեկ անգամ այցելել Հայաստան ու ավելի լավ ուսումնասիրել մարտի 1-ի իրադարձությունները։

Ըստ թեմայի

Տիտովը պատմեց, թե Փաշինյանի հետ ինչ են պայմանավորվել
Փաշինյանը հյուրընկալել է 4 տարեկան Մարիին. լուսանկարներ
Փաշինյանի կինը պատասխանել է իր բրյուսելյան այցը քննադատող ԶԼՄ–ներին
Հանը շփոթել է Բախտաձեին ու Փաշինյանին. գրառումը մի քանի րոպե անց ջնջել են
թեգերը:
Հայաստան

Գլխավոր թեմաներ