10:41 15 սեպտեմբերի 2019
Ուղիղ եթեր
  • USD476.18
  • GBP592.94
  • EUR528.61
  • RUB7.41
Նիկոլ Փաշինյան

Նպաստները դնել–կտրել, թե՞... Փաշինյանը կրկին խոսեց նպաստառուների մասին

© Sputnik / Asatur Yesayants.
Հայաստան
Ստանալ կարճ հղումը
ՀՀ վարչապետ Նիկոլ Փաշինյան (832)
17910

ՀՀ վարչապետը համոզվել է, որ իրականում կան մարդիկ, որոնք և՛ նպաստ են ստանում, և՛ վարկ են փակում։

ԵՐԵՎԱՆ, 19 մարտի — Sputnik. ՀՀ կառավարությունում շարունակվում է Հայաստանի նպաստառուների ցուցակների վերանայման գործընթացը։ Այս մասին այսօր լրագրողների հետ հանդիպման ժամանակ հայտնեց ՀՀ վարչապետ Նիկոլ Փաշինյանը։

Անդրադառնալով վարկ փակող նպաստառուների մասին իր հրապարակած թվային ցուցանիշներին` Փաշինյանը վստահեցրեց, որ դրանք իրական ցուցանիշներ են, որոնք ստացվել են պետության ունեցած տարբեր տվյալների համադրությամբ (այդ թվում` քրեական գործերով ձեռք բերված տվյալների)։

«Այո՛, այսօր կան տեսակետներ, որ պետք է դնել ու կտրել, բայց կան նաև տեսակետներ, որ դա այդպես չէ, նախ պետք է հասկանալ, թե ինչ ունենք» ,– ասաց Փաշինյանը։

Նրա խոսքով` տեսակետներն այս հարցի շուրջ տարբեր են, հետևաբար կառավարությունը չի շտապում արագ որոշումներ կայացնել։

«Եթե մարդը նպաստառու է ու ամիսը 1 մլն դրամ վարկ է փակում, այդտեղ ակնհայտ է, որ մի բան այն չէ։ Եթե 900 000 վարկ է փակում, այդտեղ էլ է ակնհայտ, որ ինչ–որ բան այն չէ։ Բայց եթե 100 կամ 200 հազար դրամ վարկ է փակում, հնարավոր է, որ այստեղ ոչ թե չարաշահման այլ արդեն այլ երևույթի հետ գործ ունենք», – ասաց նա` հավելելով, որ նման մի ընտանիքի հանդիպել է օրեր առաջ Արարատի մարզի Ռանչպար գյուղում, որոնց տվյալներն այսօր էլ իր աշխատասեղանին են։

«Ես տեսա ու համոզվեցի, որ այդ մարդն իրոք նպաստառու է, բայց և՛ վարկ է փակում, և՛ դա հնարավոր է»,– ասաց վարչապետը։

Հիշեցնենք` մարտի 15-ին Փաշինյանը Facebook-ում գրել էր, որ Հայաստանում 11 հազար 281 նպաստառու ամեն ամիս 100 հազար և ավել դրամի չափով վարկ է փակում, ոմանք՝ ամիսը 100 հազար, ոմանք 400 հազար, ոմանք` մեկ միլիոն դրամ։

 

թեմա:
ՀՀ վարչապետ Նիկոլ Փաշինյան (832)

Ըստ թեմայի

Եթե հայերն ու հույները հավատան իրար, հունական ապրանքը կկարողանա փոխարինել թուրքականին
Հայ և բուլղար նախարարները գոհ չեն առևտրաշրջանառությունից. ի՞նչ քայլեր կձեռնարկեն նրանք
Հիմա ի՞նչ եք ասում, սիրելի հայրենակիցներ. Փաշինյանը հարց է ուղղել Facebook–ում
«Նարգիլե առաջարկող օբյեկտների տերերին չեմ հավատում». ծխելու արգելքը չի վնասի բիզնեսին
թեգերը:
Նիկոլ Փաշինյան, Հայաստան

Գլխավոր թեմաներ