21:12 22 օգոստոսի 2019
Ուղիղ եթեր
  • USD475.91
  • GBP577.33
  • EUR527.40
  • RUB7.25
Գերա Սևիկյան

ԱԷԿ–ում ջրի հետ կապված խնդիրներ չեն լինի. ատոմակայանում արտեզյան հորեր են փորում

© Sputnik / Aram Nersesyan ,
Հայաստան
Ստանալ կարճ հղումը
10330

Ատոմակայանը մի շարք միջոցներ է ձեռնարկել ջրամատակարարման հարցը լուծելու համար։ Արտեզյան հորեր փորելու հետ մեկտեղ կբարձրացվի սառեցնող աշտարակների արդյունավետությունը։

ԵՐԵՎԱՆ, 20 մարտի — Sputnik. Հայաստանի ատոմակայանի ջրամատակարարման հարցը կլուծվի ստորգետնյա ջրերի հաշվին։ Այսօր լրագրողներին այս մասին ասաց ատոմակայանի տնօրենի խորհրդական Գերա Սևիկյանը «Հայաստանում ատոմային ոլորտի զարգացման հեռանկարները» կլոր սեղանի շրջանակում։

ԱԷԿ–ում ջրամատակարարման կարիք կա` գեներատորների տուրբինները սառեցնելու համար։ Սևջուր գետի (Արաքսի վտակը) ծանրաբեռնվածությունը չավելացնելու համար կայանը մի քանի արտեզյան հորեր կփորի իր տարածքում։

«Մենք արդեն հորատել ենք երեք ջրհոր, նախատեսվում է հորատել ևս տասը։ Դա ամբողջությամբ կբավարարի մեր պահանջմունքները», – ասաց Սևիկյանը։

Նշենք, որ այդ տարածքում շարունակվում են անօրինական ջրային տնտեսությունների գործունեության հետևանքով առաջացած ջրի գերծախսի ստուգումները։

Սառեցման համար ավելի քիչ ջուր վերցնելու համար կայանն օգտագործում է ոչ թե երկու, այլ սառեցման երեք աշտարակ (ընդամենը չորսն են)։ Դրանց արդյունավետությունը կբարձրացվի ռուսական վարկի շրջանակում վերանորոգում իրականացնելուց հետո։

ԱԷԿ–ի ժամկետի երկարացման աշխատանքն իրականացվում է Ռուսաստանի կառավարությունից ստացած 270 միլիոն վարկային գծով ու 30 միլիոն դոլարի դրամաշնորհով։ Աշխատանքը նախատեսվում է ավարտել 2019 թվականի վերջին կամ 2020 թվականին, իսկ կայանը կկարողանա գործել մինչև 2027 թվական։

Հայաստանի ատոմակայանը գտնվում է Մեծամորում` Երևանից 28 կմ հեռավորության վրա։ Մեր ատոմակայանը միակն է տարածաշրջանում։

Ըստ թեմայի

Հայաստանը նոր ատոմակայան կառուցելու հնարավորություն է փնտրում. Փաշինյան
Ապագայում նոր ատոմակայան կառուցելու տեսլականով. ի՞նչ է քննարկել Ավինյանը
Ատոմակայանի երկրորդ տուրբոգեներատորը հասավ Հայաստան
թեգերը:
Հայաստան

Գլխավոր թեմաներ