12:25 22 օգոստոսի 2019
Ուղիղ եթեր
  • USD475.94
  • GBP576.98
  • EUR528.10
  • RUB7.20
Դավիթ Սանասարյան

Դավիթ Սանասարյանը էթիկայի հանձնաժողովի որոշումը կբողոքարկի դատարանում

© Sputnik / Asatur Yesayants
Հայաստան
Ստանալ կարճ հղումը
50 0 0

Սանասարյանն ուրախ է, որ հանձնաժողովը սկսել է գործել, թեկուզև Արամ Սիմոնյանի շնորհիվ ու իր դեմ որոշում կայացնելով։

ԵՐԵՎԱՆ, 21 մարտի — Sputnik. Պետական վերահսկողական ծառայության պետը Դավիթ Սանասարյանը չի ընդունում Էթիկայի հանձնաժողովի որոշումը և դիմելու է դատարան։ Սանասարյանը լրագրողներին այս մասին հայտնեց կառավարության այսօրվա նիստից հետո։

Բարձրաստիճան պաշտոնատար անձանց էթիկայի հանձնաժողովը մարտի 12-ին հրապարակվել էր Պետական վերահսկողական ծառայության պետ Դ. Սանասարյանի նկատմամբ հարուցված վարույթի եզրակացությունը։ Դրանում մասնավորապես ասվում է, որ Երևանի պետական համալսարանում իրականացվող ուսումնասիրությունների առնչությամբ նրա հրապարակային հայտարարությունները և ֆեյսբուքյան գրառումը կարող են ընկալվել ու մեկնաբանվել որպես «կանխակալ վերաբերմունք» և «ուժի ցուցադրում»։

«Մենք համարում ենք, որ նախ վարույթ չպիտի հարուցվեր, երկրորդ` այն հիմնավորումները, որ կան, մեզ համար հիմնավոր չեն»,– ասաց նա։

Անդրադառնալով Արամ Սիմոնյանի հասցեին արած իր արտահայտություններին` Սանասարյանը նշեց, որ նախկինում երբեք պետական պաշտոնյա չի եղել, բնական է, որ որպես ընդդիմադիր գործիչ, ժամանակին իրեն այլ արտահայտություններ է թույլ տվել։

«Եթե անգամ դատարանն էլ որոշի, որ ես էթիկայի խախտում եմ արել, ես անհրաժեշտ հետևություններ կանեմ»,– ասաց նա։

Այդուհանդերձ, Սանասարյանը դրական է համարում, որ Էթիկայի հանձնաժողովը նոր Հայաստանում սկսել է գործել, թեկուզև Արամ Սիմոնյանի շնորհիվ։

Նշենք, որ Էթիկայի հանձնաժողովին դիմում էր ներկայացրել ԵՊՀ ռեկտոր Արամ Սիմոնյանը՝ Սանասարյանի հայտարարությունները որակելով էթիկայի կանոնների կոպտագույն խախտում։

Ըստ թեմայի

Ովքե՞ր են ՊՎԾ–ի ձերբակալված աշխատակիցները. պարզաբանում է Դավիթ Սանասարյանը
Դավիթ Սանասարյանը հիշեց անմեղության կանխավարկածի մասին. ինչպես ասում են` բարև ձեզ
Պետք է հրաժարական ներկայացնեն և՛ Արամ Սիմոնյանը, և՛ Դավիթ Սանասարյանը. Նարեկ Սամսոնյան
թեգերը:
Դավիթ Սանասարյան, Հայաստան

Գլխավոր թեմաներ