23:17 23 հոկտեմբերի 2019
Ուղիղ եթեր
  • USD475.99
  • GBP611.79
  • EUR528.92
  • RUB7.45
Դատարան

Անցումային արդարադատության գաղափարը կամաց-կամաց միս ու արյուն է ստանում. «Ժողովուրդ»

© Sputnik / Владимир Федоренко
Հայաստան
Ստանալ կարճ հղումը
11710

Թերթը պարզել է` ով է համակարգելու լայն խմբի ստեղծման աշխատանքները։

ԵՐԵՎԱՆ, 22 մարտի – Sputnik. Հայաստանում անցումային արդարադատության իրականացման գաղափարը կամաց-կամաց միս ու արյուն է ստանում: «Ժողովուրդ» օրաթերթը տեղեկացավ, որ մեկ շաբաթվա ընթացքում այդ նպատակով կստեղծվի հատուկ հանձնաժողով, որի կազմում լինելու են ինչպես խորհրդարանական, այնպես էլ արտախորհրդարանական ուժերի ներկայացուցիչներ, նաև ներկայացված է լինելու քաղաքացիական հասարակությունը: Այս մասին հայտնում է «Ժողովուրդ» օրաթերթը։

Ըստ թերթի աղբյուրների` իշխանությունները նախատեսել են նաև հարցի վերաբերյալ լայն հանրային քննարկում անցկացնել, որպեսզի գաղափարը պարզ լինի մարդկանց: Ինչպես հայտնի է, Նիկոլ Փաշինյանն անցումային արդարադատության մասին խոսեց վարչապետ ընտրվելուց հետո: Անցումային արդարադատության իրագործման գաղափարի անհրաժեշտությունն այդ օրերին շեշտել էր նաև ՀԱԿ-ը՝ հատուկ հայտարարություն տարածելով այդ մասին:

«Կառավարությունում դրանից հետո ձևավորվել էր աշխատանքային խումբ, որը զբաղվում էր այդ հարցերով, և համակարգումը հիմնականում իրականացնում էր վարչապետի խորհրդական, անցումային արդարադատության փորձագետ Նիկոլայ Բաղդասարյանը: Եվ հիմա լինելով «Իմ քայլը» խմբակցության պատգամավոր` Բաղդասարյանն արդեն համակարգելու է լայն խմբի ստեղծման աշխատանքները»,– գրում է թերթը:

Պարբերականը նշում է, որ անցումային արդարադատությունը Հայաստանի երրորդ Հանրապետության պատմության ընթացքում նոր երևույթ չէ։ Արդարադատության նախկին նախարար, այժմ բարձրագույն դատական խորհրդի անդամ Գևորգ Դանիելյանի դիտարկմամբ՝ անցումային արդարադատության մարմին ստեղծվել է 1990-ականների սկզբին:

Գլխավոր դատախազությունում հիմնվել է «Ռեպրեսիայից տուժած անձանց արդարացնելու և փոխհատուցում տալու հայտերի քննարկման» հանձնաժողովը: Այս կառույցը Պետական անվտանգության կոմիտեից, Ներքին գործերի նախարարությունից և այլ մարմիններից պահանջում էր արխիվային գործերն ու ուսումնասիրության արդյունքներով կազմում եզրակացություն, որն էլ հիմք էր հանդիսանում ԽՍՀՄ տարիներին ապօրինի դատված անձանց արդարացնելու համար:

Ըստ թեմայի

Փաշինյանը հարկադրված միջոցի է դիմու՞մ. ինչու նա խոսեց անցումային արդարադատության մասին
Անցումային արդարադատություն. որքա՞ն խորն ենք փորելու
Զեյնալյան. «Անցումային արդարադատությունը Հայաստանում չի խախտի սահմանադրությունն ու օրենքը»
Անցումային արդարադատությունն անհայտ գազան է, դատարաններն էլ հետ են գնացել. Զոհրաբյան
Մկրտչյան. «Բարեփոխումներն իրենց մեջ անցումային արդարադատության էլեմենտներ են պարունակում»
թեգերը:
Հայաստան

Գլխավոր թեմաներ