05:30 23 օգոստոսի 2019
Ուղիղ եթեր
  • USD475.91
  • GBP577.33
  • EUR527.40
  • RUB7.25
Միհարն Պողոսյան

Միհրան Պողոսյանն առաջարկում է իրեն հարցաքննել տեսակապով. ի՞նչ է պատասխանել ՀՔԾ–ն

© Sputnik / Aram Nersesyan
Հայաստան
Ստանալ կարճ հղումը
33220

Այս տարվա հունվարին հայտնի դարձավ, որ Միհրան Պողոսյանի՝ Պանամայում գրանցած օֆշորային ընկերությունների վերաբերյալ հարուցված քրեական գործը վերաբացվել է:

ԵՐԵՎԱՆ, 22 մարտի — Sputnik. ՀՀ ԱԺ նախկին պատգամավոր Միհրան Պողոսյանը հրավիրվել է հարցաքննության, սակայն չէր ներկայացել։ Ավելին`նա Հատուկ քննչական ծառայությանն առաջարկել է իրեն հարցաքննել տեսակապի միջոցով, քանի որ գտնվում է արտերկրում:

Այս լուրը Sputnik Արմենիայի հետ զրույցում հաստատեց ՀՀ հատուկ քննչական ծառայության մամուլի քարտուղար Մարինա Օհանջանյանը:

«Միհրան Պողոսյանի տեսակապի միջոցով հարցաքննելու առաջարկը մերժվել է, քանի որ այդպիսի ընթացակարգ ՀՀ քրեական դատավարությամբ նախատեսված չէ: Վարույթն իրականացնող մարմինը Միհրան Պողոսյանին կրկին հրավիրել է հարցաքննության՝ առաջարկելով տեղեկացնել ՀՀ վերադառնալու ժամկետների մասին»,- ասաց Օհանջանյանը: Նա նաև տեղեկացրեց, որ նախկին պատգամավորը հարցաքննության է հրավիրվում վկայի կարգավիճակով։

Հիշեցնենք, որ 2016թ-ի մայիսին ՀՔԾ-ն հարուցել էր քրեական գործ ՀՀ քրեական օրենսգրքի 310 հոդվածի հատկանիշներով (Ձեռնարկատիրական գործունեությանն ապօրինի մասնակցելը, պատժվում է ազատազրկմամբ առավելագույնը երկու տարի ժամկետով), իսկ 2017 թվականի հունվարի 23-ին ՀՔԾ-ն որոշում կայացրեց Միհրան Պողոսյանի նկատմամբ քրեական հետապնդում չիրականացնելու և քրեական գործով վարույթը կարճելու մասին՝ նրա արարքում հանցակազմի բացակայության հիմքով:

Այս տարվա հունվարին հայտնի դարձավ, որ Միհրան Պողոսյանի՝ Պանամայում գրանցած օֆշորային ընկերությունների վերաբերյալ հարուցված քրեական գործը վերաբացվել է:

Օֆշորի գործը վերաբացելուց հետո ՀՀ հատուկ քննչական ծառայությունը փորձել է կապ հաստատել ՀՀ ԱԺ նախկին պատգամավոր Միհրան Պողոսյանի հետ և նրան հարցաքննության հրավիրել:

Ըստ թեմայի

Կալանավորվեցին Վլադիմիր Գասպարյանի անվտանգության պետի եղբայրը և Միհրան Պողոսյանի օգնականը
Միհրան Պողոսյանի գործերը լավ չեն, նա վաճառքի է հանել «Կեչառիս Գարդնս» քոթեջները.«Հրապարակ»
ՀՔԾ-ն հաստատեց` Միհրան Պողոսյանի օֆշորային գործը վերաբացվել է
թեգերը:
Հատուկ քննչական ծառայություն (ՀՔԾ), Հայաստան

Գլխավոր թեմաներ