00:39 10 ապրիլի 2020
Ուղիղ եթեր
  • USD493.10
  • GBP612.97
  • EUR536.59
  • RUB6.66
Հայաստան
Ստանալ կարճ հղումը
29910

ՀՀ վարչապետը դուռ փակող ռեկտորների թեմային անդրադարձավ խորհրդարանում` նշելով, որ բուհերը տարիներ շարունակ եղել են իշխանության բութ գործիք։

ԵՐԵՎԱՆ, 27 մարտի – Sputnik. Հեղափոխությունը սկսվել է ԵՊՀ դռները բացելով, և ԵՊՀ դռները պետք է բաց մնան: Այսօր ԱԺ-ում, կառավարության հետ հարցուպատասխանի ժամանակ, ասաց ՀՀ վարչապետ Նիկոլ Փաշինյանը` պատասխանելով ուսանողների վրա դռներ փակող ռեկտորի մասին իր աղմկահարույց հայտարարությանը վերաբերող հարցին:

«Այո, այն ռեկտորը, որը չափահաս մարդու առաջ փակում է դուռը, ասում` դու պիտի դուրս չգաս այս լսարանից, ինքը անելիք չունի ՀՀ-ում: Ոնց ուզում եք, գնահատեք` նուրբ է, կոշտ է, կոպիտ է, թե ոնց է, այդպես է»,- ասաց նա` այդ ռեկտորներին առաջարկելով իրերը հավաքել ու գնալ:

Այդուհանդերձ, վարչապետը վստահեցրեց, որ այդ գործընթացում կառավարությունն ապօրինի լծակներ չի կիրառի, քանի որ ունի օրինական լծակներ:

Հարցը վարչապետին ուղղած «Բարգավաճ Հայաստան» խմբակցության պատգամավոր Գևորգ Պետրոսյանը, արձագանքելով Փաշինյանի պատասխանին, նշեց, որ եթե Հայաստանում տեղ չունի ուսանողի վրա դուռ փակող ռեկտորը, ապա պետք է տեղ չունենան նաև «պատգամավորը, որն ԱԺ ամբիոնից իր գրած տեքստը չի կարողանում կարդալ», «մարզպետը, որը կոկորդիլոսը թռչնից չի տարբերում», «Պետական վերահսկողական ծառայության ղեկավարը, որը խախտում է էթիկայի վարքագծի կանոնները»:

Депутат от фракции “Процветающая Армения” Геворг Петросян на заседании Парламента (18 января 2019). Еревaн
© Sputnik / Asatur Yesayants
Գևորգ Պետրոսյան

Ի պատասխան վարչապետն ասաց, որ ԲՀԿ պատգամավորներից էլ ոչ բոլորը կկարողանան Գևորգ Պետրոսյանի պահանջած չափանիշներով տեքստ կարդալ:

Փաշինյանը նշեց նաև, որ Հայաստանի բուհական համակարգում տիրում է արխայիկ մտածողություն. բուհերը տարիներ շարունակ եղել են իշխանության բութ գործիք։

Ըստ թեմայի

Ուսանողների վրա դռներ փակած ռեկտորները նոր Հայաստանում անելիք չունեն. Փաշինյան
Ո՞ր բուհի ռեկտորին էր վերաբերում Փաշինյանի հայտարարությունը. պատգամավորի մեկնաբանությունը
թեգերը:
Նիկոլ Փաշինյան, Հայաստան

Գլխավոր թեմաներ