01:37 18 հուլիսի 2019
Ուղիղ եթեր
  • USD476.45
  • GBP590.89
  • EUR534.43
  • RUB7.58
Գազօջախ

Որքան կպահպանվի գազի գինը, ով է փակելու փոփոխված գնի ճեղքվածքը. փոխվարչապետի պարզաբանումը

CC0 / PhotoMIX-Company / Плита
Հայաստան
Ստանալ կարճ հղումը
164 0 0

Գազի գնի փոփոխության հետևանքով առաջացած ճեղքվածքը «Գազպորմ Արմենիայի» խնդիրն է: Փոխվարչապետը պատասխանել է գազի գնի վերանայման հավանականության մասին հարցին։

ԵՐԵՎԱՆ, 27 մարտի — Sputnik. Հայաստանի սպառողների համար գազի գնի վերանայման հարց 2019թ–ին չի քննարկվի։ Այսօր ԱԺ–ում, պատասխպանելով պատգամավորների հարցերին, այս մասին ասաց փոխվարչապետ Մհեր Գրիգորյանը։

Այդուհանդերձ, նա հիշեցրեց, որ գազի գնի հարցը մշտապես բանակցային պրոցեսում գտնվող խնդիր է, որն առաջիկայում դարձյալ հայտնվելու է երկու երկրների կառավարությունների օրակարգում։

Ինչ վերաբերում է «Գազպրոմ Արմենիա» ընկերության հայտարարությանն այն մասին, որ սահմանին գնի բարձրացման և «Գազպրոմ Արմենիայի» ենթակառուցվածքների պահպանման չափազանց բարձր ծախսերի պայմաններում ընկերությունը ֆինանսական դժվարություններ է ունենում, Գրիգորյանը հայտարարեց, որ այս դեպքում ֆինանսական ճեղքվածքը վերաբերում է «Գազպրոմի» ու նրա դուստր ձեռնարկության` «Գազպրոմ Արմենիայի» հարաբերություններին։

«Իհարկե, ցանկալի չէ, որ այդ ֆինանսական ճեղքը գոյանա, որովհետև «Գազպրոմ Արմենիան» այնուամենայնիվ մեր գործընկերն է ու մեր տնտեսվարողը։ Բայց եթե նույնիսկ առաջանա, մենք կարծում ենք, որ ճիշտ կառավարման ու մարժայի հաշվին հնարավոր է լուծումներ գտնել»,– ասաց փոխվարչապետը։

Նրա խոսքով` սակայն կա գլոբալ պայմանավարվածություն, առ այն, որ 2019թ–ին այդ հարցն այսպես թե այնպես չի վերաբերելու։

Հիշեցնեք` 2019 թվականի հունվարի 1–ից սահմանին Հայաստանը Ռուսաստանից գազը ստանում է հազար խորանարդ մետրի դիմաց 165 դոլար գնով՝ նախկին 150-ի փոխարեն։ Երկրի ներսում սակագինը կազմում է 139 դրամ մեկ խորանարդի դիմաց, այսինքն` հազար խորանարդի դիմաց գրեթե 290 դոլար։

Ըստ թեմայի

«Գալու է նաև «դո սվիդանիա» ասելու ժամանակը». Շարմազանովը դիմում է Փաշինյանին
«Գազպրոմ Արմենիան» հայտնել է գազի գնի շուրջ քննարկումների վերջնաժամկետը
Սակագինը կավելանա. Վրաստանը բացահայտել է ռուսական գազը ՀՀ տեղափոխելու պայմանագրի դետալները
«Գազպրոմ Արմենիան» Փաշինյանի հնչեցրած ցուցանիշներից հետո պարզաբանում է տարածել
Մանվելյան․ «Գազի գինը սպառողի համար կբարձրանա»
Գազի գինը հավանաբար կբարձրանա մայիսից. «Փաստ»
թեգերը:
գազի սակագին, Հայաստան

Գլխավոր թեմաներ