14:10 23 օգոստոսի 2019
Ուղիղ եթեր
  • USD475.91
  • GBP577.33
  • EUR527.40
  • RUB7.25
Մետրո

Երևանի մետրոյում «հայտնված» քարը կստիպի լրացուցիչ միջոցներ կիրառել. տեսախցի՞կ, թե՞ բանտ

© Sputnik / Aram Nersesyan ,
Հայաստան
Ստանալ կարճ հղումը
208 0 0

Երևանում անհայտ անձը քար է նետել ընթացող վագոնի մեջ։ Ոստիկանությունը նյութեր է պատրաստում դեպքի վերաբերյալ։

ԵՐԵՎԱՆ, 28 մարտի — Sputnik. Անհայտ անձը երեկ ճամփեզրից քարով հարվածել է ընթացքի մեջ գտնվող գնացքներից մեկին՝ կոտրելով ապակին, Հայաստանի ոստիկանությունը նյութեր է պատրաստում Երևանի մետրոպոլիտենում տեղի ունեցած միջադեպի առնչությամբ։ Այս մասին Sputnik Արմենիայի թղթակցի հետ զրույցում ասաց գերատեսչության մամուլի ծառայության ներկայացուցիչ Էդգար Ջանոյանը։

Մետրոպոլիտենի մամուլի քարտուղար Տաթև Խաչատրյանն իր հերթին պատմեց, որ միջադեպը տեղի է ունեցել 18:30-18:40 սահմանում «Սասունցի Դավիթ» կայարանից դեպի «Զորավար Անդրանիկ» կայարան տանող վերգետնյա հատվածում։ Այդտեղ տեսանկարահանող սարքեր չկան, բայց միջադեպից անմիջապես հետո գնացքային կարգավարը հայտնել է ոստիկաններին կատարվածի մասին, որպեսզի մեծացնի իրավախախտում կատարած անձին գտնելու շանսերը։

«Վիրավորներ կամ տուժածներ չկան, բայց հաշվի առնելով, որ սա այդ հատվածում գրանցված արդեն երկրորդ դեպքն է, մենք քննարկում ենք խնդիրը լուծելու հարցերը։ Հավանաբար տեսախցիկներ կտեղադրվեն կամ գուցե ճաղավանդակներ», – նկատեց նա։

Sputnik Արմենիան զրուցեց նաև մետրոյի մշտական ուղևորների հետ։ Ուսանող Արամը կարծում է, որ նման միջադեպերը չեն ստիպի հրաժարվել մետրոյից։ Մեկ այլ ուղևոր էլ` Քրիստինեն, համաձայնեց նրա հետ, բայց կարևորեց անվտանգության հարցերը, չէ՞ որ քարը կամ կոտրված ապակու բեկորները կարող էին վնասել վագոնում գտնվող ուղևորներին։

«Իրավապահ մարմիններն ու մետրոյի անվտանգության ծառայությունը (եթե նման ծառայություն կա) պետք է լրջորեն զբաղվեն այդ հարցով և գտնեն ուղևորների կյանքը վտանգող անձին», – նշեց նա։

Հիշեցնենք, որ նմանատիպ դեպքեր էր գրանցվել նաև այս տարվա հունվարի 26-ի երեկոյան ճանապարհի նույն հատվածում։ Անհայտ անձը քար էր նետել վագոնի ուղղությամբ, կոտրված ապակու բեկորները թափվել էին ուղևորների վրա։ Երջանիկ պատահականությամբ այն ժամանակ էլ ոչ ոք չէր տուժել։

Ըստ թեմայի

Տրանսպորտային ճգնաժամի ակնթարթային լուծում, կամ Հայկ Մարությանի գրոտեսկային խորհուրդը
Երևանում կկառուցեն մետրոյի կայարաններ և ճոպանուղի. Արթուր Մեսչյան
Բարեբախտաբար ուղևոր չի տուժել. ո՞վ է քարով հարվածել վագոնի ապակուն
«Փող չկա, սպասե՛ք». Երևանի քաղաքապետը հրաժարվո՞ւմ է խոստումներից
Ի՞նչ է կատարվել մետրոյում, երբ շարժասանդուղքի ընթացքը կտրուկ արագացել է. տեսանյութ Հռոմից
«Զգուշացեք, դռները փակվում են». երևանյան մետրոն մեքենավարի աչքերով. լուսանկարներ

Գլխավոր թեմաներ