14:48 26 ապրիլի 2019
Ուղիղ եթեր
  • USD481.57
  • GBP620.02
  • EUR536.23
  • RUB7.42
Տարեց տղամարդ

Նվազագույն կենսաթոշակներն ու նպաստները Հայաստանում դարձան 25 500 դրամ

© Sputnik / Asatur Yesayants
Հայաստան
Ստանալ կարճ հղումը
172 0 0

Նվազագույն պարենային զամբյուղից ցածր թոշակ ու նպաստ Հայաստանում այլևս չի լինի։ ԱԺ–ն հաստատեց կառավարության ներկայացրած օրինագիծը։

ԵՐԵՎԱՆ, 28 մարտի — Sputnik. Հայաստանի թոշակառուներն ու նպաստառուներն այլևս 25 500 դրամից ցածր չեն ստանա։ Ազգային ժողովը երկրորդ ընթերցմամբ և վերջնականապես ընդունեց «Պետական կենսաթոշակների մասին» Հայաստանի Հանրապետության օրենքում կառավարության առաջարկած փոփոխությունները։

Նախագծին կողմ քվեարկեցին 111 պատգամավոր: «Բարգավաճ Հայաստան» խմբակցության պատգամավոր Միքայել Մելքումյանը քվեարկությունից առաջ հայտարարեց, որ թեև իրենք քննարկման ընթացքում քննադատել են կառավարության առաջարկած չնչին ավելացումը, բայց կողմ կքվեարկեն նախագծին, քանի որ օրենքի շահառուները նույնիսկ այդ չնչին գումարի կարիքն ունեն։

Նշենք, որ նոր օրենքն ուժի մեջ է մտնում 2019թ–ի հունվարի 1-ից։ Իսկ հունվար, փետրվար, մարտ ամիսների չստացած ավելացումների համար թոշակառուներն ու նպաստառուները կստանան վերահաշվարկ։

Խորհրդարանն ընդունեց նաև «Տեղեկատվական տեխնոլոգիաների ոլորտի պետական աջակցության մասին օրենքում փոփոխություններ և լրացումներ կատարելու մասին» և «Հարկային օրենսգրքում փոփոխություններ կատարելու մասին» օրենքների նախագծերի փաթեթը, որով ՏՏ ոլորտի նորաբաց ընկերությունների համար սահմանված հարկային արտոնությունները երկարացվեցին մինչև 2022թ–ի դեկտեմբերի 31-ը։

Ազգային ժողովն ընդունեց նաև «Հեղինակային և հարակից իրավունքների՝ կոլեկտիվ հիմունքներով կառավարման կարգի մասին» համաձայնագիրն ու «Հայաստանի Հանրապետության և Ճապոնիայի միջև ներդրումների ազատականացման, խրախուսման և պաշտպանության մասին» համաձայնագրերը վավերացնելու մասին նախագծերը։

Ըստ թեմայի

Ո՞ւմ փողերով է իրականացվելու տնտեսական հեղափոխությունը. Փաշինյանի պատասխանը
Պետք է հասկանան` իրենց չվճարած հարկերը գողանում են թոշակառուից, զինվորից. Փաշինյան
Սպանեցի՛ք ձեր թոշակներով, կամ ՀԴՄ կտրոնները տնտեսական հեղափոխության շարժիչնե՞րն են
թեգերը:
Հայաստան

Գլխավոր թեմաներ