04:41 18 հոկտեմբերի 2019
Ուղիղ եթեր
  • USD476.43
  • GBP615.98
  • EUR529.69
  • RUB7.45
Իրան, ջրհեղեղ

Հայաստանն օգնություն կտրամադրի Իրանի ջրհեղեղից տուժած քաղաքացիներին

© AFP 2018 / Photo by Ali DEHGHAN / fars news / AFP
Հայաստան
Ստանալ կարճ հղումը
142 0 0

Իրանին օգնությունը ուղարկվելու է հայ-ռուսական հումանիտար աջակցության կենտրոնի միջոցով:

ԵՐԵՎԱՆ, 29 մարտի — Sputnik. Հայաստանն օգնություն կտրամադրի Իրանի ջրհեղեղից տուժած քաղաքացիներին: Այս մասին այսօր կառավարության նիստում հայտարարեց ՀՀ ԱԻ նախարար Ֆելիքս Ցոլակյանը:

Նա հայտնեց, որ երեկ է հանդիպել Հայաստանում ԻԻՀ դեսպանի հետ: Հանդիպման ընթացքում պայմանավորվածություն է ձեռք բերվել Իրանին օգնություն ցուցաբերելու վերաբերյալ:

«Օգնությունը մենք ուղարկում ենք հայ-ռուսական հումանիտար աջակցության կենտրոնի միջոցով: Ուղարկելու ենք նաև տեխնիկական միջոցներ, ավտոմեքենաներ, փրկարարական խմբեր»,- ասաց Ցոլակյանը:

Հարցի հրատապությունից ելնելով` նախարարն առաջարկեց այն կարգավորել ոչ թե կառավարության որոշմամբ, այլ վարչապետի:

Նիստը վարող փոխվարչապետ Տիգրան Ավինյանը խոստացավ հարցը կարգավորել օրվա ընթացքում:

Հիշեցնենք, որ Իրանի մի շարք նահանգներում անցյալ շաբաթ տեղի ունեցած ջրհեղեղի հետևանքով զոհերի թիվը հասել է 44-ի:

Ջրհեղեղի պատճառով, որն առաջացել է հորդառատ անձրևների հետևանքով, Իրանի մի շարք շրջաններում ճանապարհները լվացվել են, վնասվել են ենթակառուցվածքներն ու տները, կաթվածահար է եղել տրանսպորտային հաղորդակցությունը:

Ըստ թեմայի

Սոչիում ջրհեղեղի հետևանքով կամուրջ է փլուզվել. տեսանյութ
Կուբանի ջրհեղեղի հետևանքները. տուժել են 600 մարդ, 28–ը հիվանդանոցում են
Սիցիլիայում ջրհեղեղի զոհ է դարձել 10 մարդ
թեգերը:
ՀՀ կառավարություն, Իրանի Իսլամական Հանրապետություն, Հայաստան

Գլխավոր թեմաներ