21:34 24 օգոստոսի 2019
Ուղիղ եթեր
  • USD475.99
  • GBP581.09
  • EUR526.40
  • RUB7.25
Գևորգ Պետրոսյան

Մարդիկ, որ նշանակվում են նախարար, գոնե պետք է իրենց մի քիչ զուսպ պահեն. Պետրոսյան

© Sputnik / Asatur Yesayants
Հայաստան
Ստանալ կարճ հղումը
135 0 0

«Բարգավաճ Հայաստան» խմբակցության պատգամավորը դիմել է ծանոթացել է աղմկահարույց հրամանին, իսկ հիմա պատրաստվում է ուսումնասիրել թատրոնի կանոնադրությունը։

ԵՐԵՎԱՆ, 1 ապրիլի – Sputnik. «Բարգավաճ Հայաստան» խմբակցության պատգամավոր Գևորգ Պետրոսյանը համարում է որ մշակույթի նախարարի պաշտոնակատար Նազենի Ղարիբյանը պետք է իրեն զուսպ պահի։

«Բավական է կրթության ու մշակույթի ոլորտում ազատվենք պրոֆեսիոնալներից, երբ չգիտենք, թե տեղն ովքեր են գալու,– այսօր խորհրդարանական ճեպազրույցում ասաց Պետրոսյանը` պատասխանելով Երևանի օպերայի և բալետի ակադեմիական թատրոնի տնօրեն Կոնստանտին Օրբելյանի ազատման որոշմանը:– Եվ ազատողն այն մարդն է, որ գալիս է ԱԺ և չի տիրապետում իր ոլորտին վերաբերող հարցերին: Եվ այդպիսի մարդիկ, որ նշանակվում են նախարար, գոնե պետք է իրենց պաշտոնավարման ընթացքում մի քիչ իրենց զուսպ պահեն»,- ասաց պատգամավորը:

Թատրոնի տնօրեն և գեղարվեստական ղեկավար Կոնստանտին Օրբելյանը մարտի 26-ի երեկոյան մշակույթի նախարարությունից նամակ էր ստացել այն մասին, որ ապրիլի 1-ից այլևս չի զբաղեցնելու թատրոնի տնօրենի պաշտոնը։ Թատրոնի կոլեկտիվն ու Օրբելյանը մտադիր են դատի տալ մշակույթի նախարարի պաշտոնակատար Նազենի Ղարիբյանին։

Գևորգ Պետրոսյանը նշեց, որ ԲՀԿ-ի համար որակյալ կադրերի նկատմամբ նման դիրքորոշումն անընդունելի է: Անընդունելի է նաև անձնական նկատառումներով պայմանավորված կադրային ջարդի ցանկացած այլ դրսևորում։ Ինչ վերաբերում է Օրբելյանին, իրավաբան պատգամավորը նշեց, որ նա կարող է նախարարի որոշումը բողոքարկել դատական կարգով: Պետրոսյանը ծանոթացել է Նազենի Ղարիբյանի հրամանին ու դրա հիմքում դրված այն կետին, որ թատրոնի տնօրենն իրավունք չունի միաժամանակ 3 պաշտոն զբաղեցնել, բայց այդ մասին կարծիք չհայտնեց, քանի որ թատրոնի կանոնադրությունը դեռ չի ուսումնասիրել և նոր է դիմել թատրոն` այն իրեն տրամադրելու խնդրանքով:

Ըստ թեմայի

Օպերային թատրոնի աշխատակիցներն ու Օրբելյանը դատի կտան նախարարի պաշտոնակատար Ղարիբյանին
Կոնստանտին Օրբելյանին ազատել են աշխատանքից
Երաժշտությունը լեզու չի ճանաչում. Օպերայի աշխատակիցները բողոքի ակցիա են անցկացնում
Թատրոնների ներկայացուցիչները միավորվել ու պահանջում են Նազենի Ղարիբյանի հրաժարականը

Գլխավոր թեմաներ