10:56 19 օգոստոսի 2019
Ուղիղ եթեր
  • USD475.92
  • GBP578.43
  • EUR527.46
  • RUB7.22
Մեկուսարան

Կաշառք ստանալու մեջ մեղադրվող դատավորը կալանավորվել է. ՀՔԾ–ն մանրամասներ է հայտնում

© Sputnik / Алексей Филиппов
Հայաստան
Ստանալ կարճ հղումը
217 0 0

Դատավորը քաղաքացուն պետական տուրքը վճարելուց ազատելու դիմաց պահանջել է առանձնապես խոշոր չափերի` 3500 ԱՄՆ դոլար կաշառք։

ԵՐԵՎԱՆ, 1 Ապրիլ — Sputnik. Առանձնապես խոշոր չափերով կաշառք ստանալու մեջ մեղադրվող դատավոր Գագիկ Հեբոյանը կալանավորվել է։ Այս մասին տեղեկացնում է Հատուկ քննչական ծառայությունը։

Կոտայքի մարզի ընդհանուր իրավասության դատարանի դատավոր Գագիկ Հեբոյանի դեմ քրեական գործ է հարուցվել ՀՀ քրեական օրենսգրքի 311-րդ հոդվածի 4-րդ մասի 2-րդ և 3-րդ կետերով, այն է` պաշտոնատար անձի կողմից կաշառք ստանալը։

Հեբոյանը կաշառքը ստացել է ՀՀ փաստաբանների պալատի փաստաբանի օժանդակությամբ:

«Ըստ առաջադրված մեղադրանքի` դատավորն իր վարույթում քննվող քաղաքացիական գործով հայցվորի օգտին գործողություն կատարելու, այն է` վերջինիս 3.400.000 ՀՀ դրամ պետական տուրքը վճարելուց ազատելու դիմաց 2019թ. մարտի 4-ին նրանից պահանջել է առանձնապես խոշոր չափերի` 3500 ԱՄՆ դոլար կաշառք: Քաղաքացու հետ սակարկելու արդյունքում Գ. Հեբոյանը նրա հետ վերջնական պայմանավորվածություն է ձեռք բերել հիշյալ գործողությունը կատարելու դիմաց 2500 ԱՄՆ դոլար կաշառք ստանալու վերաբերյալ»,–նշված է ԱԱԾ հաղորդագրության մեջ:

Խուսափելով կաշառքի առարկան անձամբ վերցնելուց և բացահայտվելուց` դատավորը դիմել է իր ծանոթ փաստաբանի օժանդակությանը. 2019թ. մարտի 27-ին հիշյալ քաղաքացին ԱԱԾ-ի կողմից իրականացված օպերատիվ-հետախուզական միջոցառման շրջանակներում 2500 ԱՄՆ դոլար կաշառքի գումարը տվել է փաստաբանին, ով նույն օրը այն փոխանցել է դատավորին:

ԱԱԾ–ն տեղեկացնում է, որ մարտի 30–ին ՀՀ հատուկ քննչական ծառայության քննիչի կողմից միջնորդություն է ներկայացվել Երևանի ընդհանուր իրավասության դատարան` Հեբոյանի նկատմամբ կալանավորումը որպես խափանման միջոց ընտրելու համար: Նույն օրը դատարանի կողմից միջնորդությունը բավարարվել է, և Հեբոյանը կալանավորվել է:

Նախաքննությունը շարունակվում է:

Հիշեցնենք, որ դեռ մարտի 28–ից էր հայտնի դարձել, որ Հեբոյանը ձերբակալվել է։

Ըստ թեմայի

Նախարարն անկեղծացել է. կաշառք առաջարկում են առաջին մի քանի ամիսը
Հայտնի է, թե ով է կաշառքի գործով ԱԱԾ ձերբակալած պաշտոնյան
ՊՆ պաշտոնյան ձերբակալվել է կաշառք ստանալու պահին. տեսանյութ
ԱԱԾ-ն կաշառք պահանջելու և ստանալու դեպքեր է բացահայտել. տեսանյութ
Չարաշահումներ, կաշառք, նոր բացահայտում. մեղադրանք է առաջադրվել տասը պաշտոնյայի
թեգերը:
Հայաստան

Գլխավոր թեմաներ