10:34 26 օգոստոսի 2019
Ուղիղ եթեր
  • USD475.99
  • GBP581.09
  • EUR526.40
  • RUB7.25
Երևան

Պետութիւնը կը ծրագրէ երիտասարդներուն վարձով բնակարաններ տալ` ամիսը 10 տոլարով

© Photo / official site of the Prime minister of RA.
Հայաստան
Ստանալ կարճ հղումը
Sputnik Արմենիան` արևմտահայերենով (229)
186 0 0

Քաղաքաշինութեան կոմիտէն բնակարանաշինական նոր նախագիծ մը կը մշակէ` մարզերու նորաստեղծ ընտանիքներուն համար: Երեւան գալու փոխարէն անոնց կ’առաջարկեն պետական վարձով բնակարան հարազատ մարզին մէջ:

Նելլի Դանիէլեան, Sputnik Արմենիա

Այն մակնիսական ուժը, որ մարզերու բնակիչները կը քաշէ դէպի Երեւան, ուղղութիւնը պիտի փոխէ դէպի մարզեր: Sputnik Արմենիայի հետ զրոյցին այսպէս ըսաւ Քաղաքաշինութեան կոմիտէի նորանշանակ նախագահ, ճարտարապետ Վահագն Վերմիշեան:

«Գիւղը պիտի զարգացնենք, գիւղի եւ քաղաքի կեանքի որակի աղիտական տարբերութիւնը պիտի վերացնենք, որպէսզի գիւղացին այսօր ունենայ նմանատիպ կեանքի որակ, ինչ որ քաղաքի կեդրոնին մէջ բնակողը ունի»,– ըսաւ ան:

Տարաբնակեցման խնդիրը լուծելու հիմանական գրաւականը քաղաքաշինութեան կոմիտէի ղեկավարը կը համարէ մարզերուն մէջ պետական բնակարանաշինական ծրագիրներու իրականացումը:

Վահագն Վերմիշեան արդէն իսկ նման ծրագիր մը յղացած է, որուն համաձայն նորաստեղծ ընտանիքները, որոնք հնարաւորութիւն չունին նոր բնակարան գնելու, կրնան այն վարձակալել պետութենէն:

«Բնակարանի դիմաց խորհրդանշական գումար մը կը վճարեն, օրինակ` 10 տոլար ամսական»,– ըսաւ Վերմիշեան:

Անոր խօսքով` քաղաքաշինութեան կոմիտէն այժմ կ’աշխատի ծրագիրին վրայ, եւ յոյս կայ, որ մինչեւ մայիս այն արդէն կը ներկայացուի կառավարութեան ու հանրութեան:

Ваагн Вермишян
© Sputnik / Hovhannes Shoghikyan
Վահագն Վերմիշեան

Գործադիրի հաւանութեան արժանանալէ յետոյ բնակարանաշինական ծրագիրի առաջին փուլը կը մեկնարկէ Հայաստանի երկու խոշոր քաղաքներուն` Գիւմրիի ու Վանաձորի մէջ եւ Հայաստանի  քանի մը գիւղերու մէջ: Առաջին պետական շէնքերն ալ մարզերու մէջ կը կառուցուին արդէն ծրագիրի հաստատումէն 1-2 տարի ետք:

Ընդ որում, պետական շինարարութիւն ըլլալով հանդերձ, Վահագն Վերմիշեանի համար առաջնային է յատկապէս շինարարութեան որակեալ ըլլալը:

Ինչ կը վերաբերի Հայաստանի մէջ իրականացուող շինարարութեան որակին, Վահագն Վերմիշեանի դիտարկմամբ, 1993-2019 Հայաստանի մէջ շինարարութեան ոլորտը միայն անկում  ապրած է: «Տնտեսութեան առաջատար ոլորտ համարուող շինարարութիւնը մենք հասցուցած ենք չքաւոր վիճակի, –ըսաւ ան,– Հայաստանի մէջ որոշ շինարարական կազմակերպութիւններու կողմէ սարսափելի որակի շինարարութիւն կ’ըլլայ»:

Քաղաքաշինութեան կոմիտէի ղեկավարը համոզուած է` այն շինարարը, որ երկրաշարժական գօտիին մէջ  անորակ շինարարութիւն կ’իրականացնէ, «հոյամողէզի պէս պիտի վերանայ»:

Վերմիշեանի համոզմամբ, Հայաստանի մէջ պէտք է մնան միայն որակեալ շինարարները, որոնք իրենց գործը շուկային մէջ կը կազմակերպեն նորովի:

 

թեմա:
Sputnik Արմենիան` արևմտահայերենով (229)

Ըստ թեմայի

«Ինչի՞ կը սպասէք, նոր ցեղասպանութեա՞ն». Սերժ Թանքեան Թուրքիա չայցելելու կոչ ըրած է
«Ես ինձմէ կը նախանձիմ». փոքրիկ հայուհին գերած է վրացի հաղորդավարները. տեսանիւթ
Արամ Ա կաթողիկոս կը մեկնի Հալէպ` օծելու Սուրբ Քառասնից Մանկանց եկեղեցին

Գլխավոր թեմաներ