05:02 23 ապրիլի 2019
Ուղիղ եթեր
  • USD481.98
  • GBP626.09
  • EUR542.18
  • RUB7.56
Դպրոց

Մազից կախված. ՀՀ-ում 400 ոչ սեյսմակայուն դպրոց կա

© Sputnik / Armenuhi Mkhoyan
Հայաստան
Ստանալ կարճ հղումը
100 0 0

Կառավարությունը Ասիական զարգացման բանկի հետ համագործակցում է`ոչ սեյսմակայուն դպրոցների վերանորոգման, ամրակայման աշխատանքներ իրականացնելու համար։

ԵՐԵՎԱՆ, 2 ապրիլի — Sputnik. Դպրոցների ֆիզիկական վիճակի հետ կապված ունենք լուրջ խնդիրներ, որոնք չեն կարող չազդել կրթության որակի վրա։ Այս մասին լրագրողների հետ հանդիպման ժամանակ ասաց կրթության և գիտության նախարար Արայիկ Հարությունյանը։

Նրա խոսքով՝ լուրջ խնդիրներ կան դպրոցների շենքերի սեյսմակայունության հետ կապված։

«Ասիական զարգացման բանկի հետ ենք համագործակցում և ոչ սեյսմակայուն դպրոցների վերանորոգման, ամրակայման աշխատանքներ ենք իրականացնում։ Այսօր 400 դպրոց սեյսմակայունության առումով լրջագույն խնդիրներ ունեն։ Այդ դպրոցներից 7-ն այս պահին վերանորոգվում են»,–ասաց ԿԳ նախարարը։

Տարածքային կառավարման և զարգացման նախարար Սուրեն Պապիկյանի խոսքով էլ ոչ սեյսմակայուն դպրոցներից այս տարի կվերանորոգվի 31-ը։

«Խնդիրն այն է, որ ի սկզբանե ենթադրվում էր, որ պետք է սեյսմիկ առումով անկայուն դպրոցներն ամրակայվեն, վերանորոգվեն։ Սակայն վերանորոգման աշխատանքները սկսվելուն պես՝ պարզ դարձավ, որ դպրոցների գերակշիռ մասը պետք է քանդվեն ու նորից կառուցվեն»,–ասաց Պապիկյանը։

Նախարարը նշեց նաև, որ կառավարության որոշմամբ այս պահին 46 ոչ սեյսմակայուն դպրոցների վերանորոգման որոշում է կայացվել։

Ըստ թեմայի

Տնօրենի բարեկամներն են գրանցված դպրոցում. Արագածոտնի մարզպետը կդիմի՞ դատախազություն
Խաչատրյան. «Հոգևորականը չի կարող դպրոցում դաս վարել»
Խաչատրյան. «Երեխաները չեն կարող 8 ժամ դաս անել դպրոցում, 5 ժամ էլ` տնային աշխատանք»
թեգերը:
դպրոց, Սուրեն Պապիկյան, Արայիկ Հարությունյան, Հայաստան

Գլխավոր թեմաներ