ԵՐԵՎԱՆ, 2 ապրիլի – Sputnik. ՀՀ ոստիկանության պետ Վալերիյ Օսիպյանն անձնական հսկողության տակ է վերցրել այսօր «Եռաբլուր» պանթեոնում գրանցված դեպքերի բացահայտման աշխատանքները: Այս մասին հայտնում է ՀՀ ոստիկանության մամուլի ծառայությունը։
«Հանձնարարվել է ողջ ծավալով իրականացնել բոլոր օպերատիվ-հետախուզական միջոցառումները»,– նշված է հաղորդագրության մեջ։
Այսօր՝ ժամը 11.00-ին և 12.20-ին, ոստիկանությունում քաղաքացիներից ահազանգեր են ստացվել, որ «Եռաբլուր» պանթեոն տանող ճանապարհին կայանված իրենց մեքենաներից գողություններ են կատարվել: Այս մասին հայտնում է ՀՀ ոստիկանության մամուլի ծառայությունը
Օսիպյանի հանձնարարականով ուսումնասիրվում է տարածքում հերթապահած վերակարգերի ծառայության ընթացքը:
Ավելի վաղ տեղեկացրել էինք, որ «Եռաբլուր» զինվորական պանթեոնում այսօր թալանված մեքենաներից մեկը եղել է ապրիլյան պատերազմի հերոս Արմենակ Ուրֆանյանի հարազատներից մեկինը, մյուսը` News.am-ի լրագրողինը։
