20:55 26 ապրիլի 2019
Ուղիղ եթեր
  • USD481.33
  • GBP621.06
  • EUR536.06
  • RUB7.43
Արմեն Սարգսյանն ընդունել է Ռումինիայի Խորհրդարանում Հայաստանի հետ բարեկամության խմբի նախագահ, Ռումինահայոց Միության նախագահ Վարուժան Ոսկանյանին

Նորաբաց Բուխարեստ-Երևան չվերթով ժամանել է Ռումինիայի խորհրդարանի պատգամավոր Ոսկանյանը

© Photo / official site of the President of RA.
Հայաստան
Ստանալ կարճ հղումը
22 0 0

Ռումինիայի և Հայաստանի միջև խորհրդարանական կապերի ամրապնդման, այս ոլորտում առկա ներուժի օգտագործմանն առնչվող հարցեր են քննարկել Արմեն Սարգսյանը և Ռումինիայի խորհրդարանի պատգամավոր Վարուժան Ոսկանյանը։

ԵՐԵՎԱՆ, 3 ապրիլի — Sputnik. Հանրապետության նախագահ Արմեն Սարգսյանն այսօր ընդունել է Ռումինիայի Խորհրդարանում Հայաստանի հետ բարեկամության խմբի նախագահ, Ռումինահայոց Միության նախագահ Վարուժան Ոսկանյանին:

Ինչպես տեղեկացնում են ՀՀ նախագահի մամուլի ծառայությունից, զրուցակիցները խոսել են երկու երկրների միջև տնտեսական կապերի աշխուժացման, այս ոլորտում զարգացումը խթանող երկուստեք քայլերի ձեռնարկման անհրաժեշտության մասին:

Ռումինիայի խորհրդարանի պատգամավորը Հայաստան էր ժամանել նոր բացված Բուխարեստ-Երևան չվերթով: Այս համատեքստում կարևորվել է Ռումինիա-Հայաստան ուղիղ օդային կապի առկայությունը՝ նշելով, որ այն կխթանի զբոսաշրջությունը:

Հանդիպման ընթացքում նախագահ Արմեն Սարգսյանը և Ռումինիայի խորհրդարանի պատգամավոր Վարուժան Ոսկանյանը քննարկել են նաև երկու երկրների միջև խորհրդարանական կապերի ամրապնդման, այս ոլորտում առկա ներուժի օգտագործմանն առնչվող հարցեր:

Անդրադարձ է կատարվել նաև Ռումինիայի հայ համայնքին, համայնքում առկա խնդիրներին ու հեռանկարներին: Կարևորվել է Հայաստանի հետ կապերի ամրապնդումը մշակութային, գիտական և կրթական ոլորտներում

Президент Армен Саркисян принял депутата парламента Румынии, сопредседателя армяно-румынской межпарламентской группы Варужана Восканяна (3 апреля 2019). Еревaн
© Photo / official site of the President of RA.
Արմեն Սարգսյանը ընդունել է Ռումինիայի Խորհրդարանում Հայաստանի հետ բարեկամության խմբի նախագահ, Ռումինահայոց Միության նախագահ Վարուժան Ոսկանյանին

 

թեգերը:
Արմեն Սարգսյան, Հայաստան

Գլխավոր թեմաներ