10:52 19 օգոստոսի 2019
Ուղիղ եթեր
  • USD475.92
  • GBP578.43
  • EUR527.46
  • RUB7.22
Ռոբերտ Քոչարյան

Ռոբերտ Քոչարյանին տրամադրվել է էլեկտրոնային գիրք՝ առանց համացանցի հասանելիության

© Sputnik / Asatur Yesayants
Հայաստան
Ստանալ կարճ հղումը
Ռոբերտ Քոչարյանի գործը (282)
155 0 0

Քրեակատարողական ծառայության հանրային կապերի բաժինը պարզաբանում է ներկայացրել Ռոբերտ Քոչարյանին կալանավայրում համակարգիչ տրամադրել–չտրամադրելու վերաբերյալ։

ԵՐԵՎԱՆ, 3 ապրիլի — Sputnik. Կալանավայրում գտնվող ՀՀ 2–րդ նախագահ Ռոբերտ Քոչարյանին տրամադրվել է էլեկտրոնային գիրք՝ առանց համացանցի հասանելիության, այլ ոչ թե համակարգիչ: Այս մասին նշված է ՀՀ ԱՆ քրեակատարողական ծառայության հանրային կապերի բաժնի տարածած պարզաբանման մեջ:

Նշվում է, որ որոշ ԶԼՄ–ներ, անդրադառնալով Մարդու իրավունքների պաշտպան Արման Թաթոյանի հրապարակած և ՀՀ Ազգային ժողով ուղարկած 2018 թվականի հաշվետվությանը, համացանցում տեղեկատվություն են տարածել, թե ՄԻՊ-ի միջամտությամբ ՀՀ երկրորդ նախագահ Ռոբերտ Քոչարյանին համակարգիչ է տրամադրվել առանց համացանցի հասանելիության։

«Իրականում Ռոբերտ Քոչարյանին տրամադրվել է ոչ թե համակարգիչ, այլ էլեկտրոնային գիրք՝ առանց համացանցի հասանելիության, տեսա և լուսանկարահանման, ձայնագրելու հնարավորության, որի մասին, ի դեպ, նշված է նաև ՄԻՊ-ի տարեկան հաղորդման մեջ։ Մասնավորապես. «…Դիմումի ներկայացման դեպքում անձին կթույլատրվի փոխանցել ոչ թե համակարգիչ, այլ էլեկտրոնային գիրք, այն դեպքում, երբ էլեկտրոնային գիրքը չունենա հասանելիություն համացանցին, տեսա և լուսանկարահանման, ձայնագրելու հնարավորություն և ընթերցվող գրականությունն արդեն իսկ ներբեռնված լինի էլեկտրոնային գրքում»,–ասված է հաղորդագրության մեջ։

Տարընկալումից խուսափելու նպատակով Քրեակատարողական ծառայությունը պարզաբանում է, որ ՀՀ կառավարության 2006 թվականի օգոստոսի 3-ի «Հայաստանի Հանրապետության արդարադատության նախարարության քրեակատարողական ծառայության՝ կալանավորվածներին պահելու վայրի և ուղղիչ հիմնարկների ներքին կանոնակարգը հաստատելու մասին» թիվ 1543-Ն որոշման հավելվածի ձև N 2-ով սահմանվում է իրերի, առարկաների և սննդամթերքի ցանկը, որով արգելվում է կալանավորված անձանց և դատապարտյալներին ունենալ ցանկում նշված առարկաներն իրենց մոտ, ստանալ կամ ձեռք բերել ծանրոցներով և փաթեթներով։ Արգելված իրերի ցանկում որպես արգելված իր, ի թիվս այլ առարկաների, ներառված է նաև համակարգիչը։

թեմա:
Ռոբերտ Քոչարյանի գործը (282)

Ըստ թեմայի

Քոչարյանի կալանքի հարցը կքննի նրանից մեդալ ստացած դատավորը
Քոչարյանի կալանավորումը ևս երկու ամսով երկարացնելու վերաբերյալ դատական նիստի օրը հայտնի է
Ի՞նչ է տեղի ունեցել Ռոբերտ Քոչարյանի և Արման Թաթոյանի հանդիպումից հետո
թեգերը:
Ռոբերտ Քոչարյան, Հայաստան

Գլխավոր թեմաներ