01:24 14 հոկտեմբերի 2019
Ուղիղ եթեր
  • USD476.73
  • GBP596.06
  • EUR525.36
  • RUB7.42
Արման Թաթոյան

Թաթոյանը չհայտարարված այց է կատարել ՔԿՀ–ներ, զրուցել ազատազրկված անձանց հետ

© Sputnik / Asatur Yesayants
Հայաստան
Ստանալ կարճ հղումը
68 0 0

Ազատազրկվածների բողոքների հիմնական մասը վերաբերել է նշանակված դատավճիռների վերանայման հնարավորություններին, պատժից պայմանական վաղաժամկետ ազատմանը։

ԵՐԵՎԱՆ, 6 ապրիլի — Sputnik. Մարդու իրավունքների պաշտպան Արսեն Թաթոյանը ապրիլի 4-ին և 5-ին չհայտարարված այց է կատարել «Արմավիր», «Կոշ» և «Աբովյան» ՔԿՀ-ներ, առանձնազրույց ունեցել ազատազրկված անձանց հետ։ Այս մասին տեղեկացնում է Մարդու իրավունքների պաշտպանի մամուլի ծառայությունը։

Թաթոյանը ՔԿՀ–ներ է այցելել իրեն հասցեագրված բողոքների, ինչպես նաև իր աշխատակազմի «թեժ գիծ» հեռախոսահամարին ստացված ահազանգերի հիման վրա։ Նա զրուցել է նաև հացադուլ հայտարարած 1 անձի հետ:

«Դեռ ապրիլի 3-ից «Աբովյան» ՔԿՀ–ում հացադուլ հայտարարած անձը հայտնել էր, որ հացադուլը պայմանավորված է իր նկատմամբ կայացված դատավճռով: Ազատությունից զրկված անձին պարզաբանվել են ՄԻՊ լիազորությունները և դատավճիռը բողոքարկելու կարգը, ինչպես նաև հացադուլի բացասական հետևանքներն իր առողջական վիճակի վրա: Վերջինս քրեակատարողական հիմնարկի վարչակազմի գործողությունների կապակցությամբ որևէ բողոք չի ներկայացրել»,–տեղեկացնում են ՄԻՊ–ի գրասենյակից։

Մյուս անձանց բողոքների հիմնական մասը վերաբերել է նշանակված դատավճիռների վերանայման հնարավորություններին, պատժից պայմանական վաղաժամկետ ազատմանը, քրեական գործով տեսակցությունների և հեռախոսային խոսակցությունների նկատմամբ կիրառված արգելքի, ինչպես նաև քրեական վարույթի շրջանակներում կալանավորված անձին այլ երկիր արտահանձնելուն:

Հարցերի մի մասի վերաբերյալ պաշտպանին հասցեագրվել են գրավոր բողոքներ, իսկ որոշ հարցեր քննարկվել են քրեակատարողական հիմնարկի ղեկավարության հետ, որոնց մի մասը տեղում լուծվել են:

Ազատությունից զրկված անձանց բարձրացրած հարցերի լուծման կապակցությամբ ՄԻՊ–ի իրավասության շրջանակում կձեռնարկվեն օրենքով նախատեսված անհրաժեշտ քայլեր։

Ըստ թեմայի

Թաթոյան. «Պայմանական-վաղաժամկետ ազատման համակարգում պետք է լինի բարձր արդյունավետություն»
Արման Թաթոյանը Ժնևում բարձրացրել է Ադրբեջանում ազատազրկված Կարեն Ղազարյանի հարցը
Արման Թաթոյանն այցելել է Ռոբերտ Քոչարյանին
թեգերը:
Արման Թաթոյան, Հայաստան

Գլխավոր թեմաներ