09:03 18 հոկտեմբերի 2019
Ուղիղ եթեր
  • USD476.43
  • GBP615.98
  • EUR529.69
  • RUB7.45
«Սպայկայի» աշխատակիցների բողոքի ակցիան

Լարված իրավիճակ դատարանի մոտ. «Սպայկայի» աշխատակիցները փակել են ճանապարհը

© Sputnik / Asatur Yesayants.
Հայաստան
Ստանալ կարճ հղումը
«Սպայկա» ընկերության շուրջ ծավալվող իրադարձությունները (21)
189 0 0

Ոստիկանները փորձում են բացել ճանապարհը։ Տիգրան Մեծ պողոտայի երթևեկությունը կաթվածահար է։

ԵՐԵՎԱՆ, 8 ապրիլի — Sputnik. Երևանի Կենտրոն և Նորք-Մարաշ վարչական համայնքների ընդհանուր իրավասության դատարանի դիմաց հավաքված քաղաքացիները փակել են իրենց տնօրենին դատարանից կալանավայր տեղափոխող ավտոմեքենայի ճանապարհը։

Դատարանի շենքի դիմաց բողոքի ակցիա իրականացնող «Սպայկա» ընկերության աշխատակիցները փակել են նաև Տիգրան Մեծի պողոտայի երթևեկությունը։

Ոստիկանության աշխատակիցները, փորձելով բացել Դավիթ Ղազարյանին տեղափոխող ավտոմեքենայի ճանապարհը, ուժով հեռացնում են մարդկանց։ Այս պահին դատարանի դիմաց լարված իրավիճակ է, ոստիկանների ու քաղաքացիների միջև պարբերաբար հրմշտոց ու ընդհարումներ են տեղի ունենում։

Դատարանի հարակից տարածքում բողոքի բազմամարդ ակցիան շարունակվում է։ «Սպայկայի» աշխատակիցները պահանջում են, որ վարչապետ Նիկոլ Փաշինյանը գա և հանդիպի իրենց հետ։

Նրանց խոսքով` ընկերության հաշիվների նկատմամբ կալանք է կիրառվել, ինչի արդյունքում իրենք կարող են զրկվել եկամտի միակ աղբյուրից ու աշխատանքից։

Ի վերջո, Դավիթ Ղազարյանին տեղափոխող մեքենային հաջողվեց, շրջանցելով մարդկանց, շարունակել իր ընթացքը։

Ապրիլի 5-ին հրավիրված ասուլիսում Դավիթ Ղազարյանը հայտարարել էր, որ իր նկատմամբ քրեական հետապնդման արդյունքում միջազգային գործընկերները սառեցրել են միլիարդների հասնող ներդրումային ծրագրերը։

Հիշեցնենք, այսօր Երևանի Կենտրոն և Նորք-Մարաշ վարչական համայնքների ընդհանուր իրավասության դատարանը որոշում կայացրեց բավարարել ՊԵԿ-ի միջնորդությունը` Դավիթ Ղազարյանի նկատմամբ 2 ամիս տևողությամբ նախաքննական կալանք կիրառելու մասին։

թեմա:
«Սպայկա» ընկերության շուրջ ծավալվող իրադարձությունները (21)

Ըստ թեմայի

Հետդարձի ճանապարհ չի լինելու. ՊԵԿ–ը բավականին շատ հարկ է հավաքել 1–ին եռամսյակում
«Հետապնդում է իմ նկատմամբ». «Սպայկայի» տնօրենը` ՊԵԿ–ի միջնորդության մասին
թեգերը:
«Սպայկա» ՍՊԸ, Բողոքի ակցիա

Գլխավոր թեմաներ