05:04 23 ապրիլի 2019
Ուղիղ եթեր
  • USD481.98
  • GBP626.09
  • EUR542.18
  • RUB7.56
Նիկոլ Փաշինյան

Նիկոլ Փաշինյանը խոսեց «Սպայկայի» տնօրենի կալանավորման ու աշխատակիցների բոյկոտի մասին

© Sputnik / Aram Nersesyan ,
Հայաստան
Ստանալ կարճ հղումը
256 0 0

ՀՀ վարչապետը վստահ է, որ «Սպայկայի» աշխատակիցները շատ խելոք էլ կաշխատեն, քանի որ ոչ ոք չի ուզի միլիոն դոլարների կորուստ ունենալ։

ԵՐԵՎԱՆ, 9 Ապրիլ — Sputnik. ՀՀ վարչապետ Նիկոլ Փաշինյանը չի բացառում, որ «Սպայկա» ընկերության հետ կապված գործը կարող է մի մեծ մախինացիայի շղթա բացվել։ Նա այս մասին ասաց այսօր` ապրիլի 9-ին, Նորագավիթի մաքսատանը շրջայց կատարելու ժամանակ` պատասխանելով լրագրողների հարցերին։

««Սպայկայի» հետ կապված` հնարավոր է` բացվի մի մեծ մախինացիայի շղթա, որը չէր կարող գոյություն ունենալ առանց վերևների հովանավորչության»,– ասաց վարչապետը։

ՊԵԿ–ն ապրիլի 4-ին հայտարարեց, որ «Սպայկայի» հետ փոխկապակցված ընկերությունները 7 մլրդ դրամ չեն վճարել բյուջե։ ՊԵԿ–ի պնդմամբ` այդ ընկերությունները երրորդ երկրներից միրգ ու բանջարեղեն են ներկրել Հայաստան, սակայն ձևակերպել են դրանք որպես ԱԱՀ–ից և տուրքերից ազատված ապրանքներ։ Այս կապակցությամբ ընկերության տնօրեն Դավիթ Ղազարյանին ապրիլի 8-ին կալանավորեցին, ինչից հետո ընկերության հարյուրավոր աշխատակիցներ բողոքի ակցիա սկսեցին` պահանջելով ազատ արձակել նրան։

«Իմ` վարչապետ ընտրվելուց հետո, մեր իրավապահ ու հարկային մարմիններն անընդհատ ինձ զանգահարել են ու ասել, որ «Սպայկայի» հետ կապված կան լրջագույն պրոբլեմներ, այդ թվում` հարկային։ Ես բոլորին ասել եմ, որ ինչպես օրենքով նախատեսված կարգն է, հետաքննեք, բայց այնպես արեք, որ աշխատանքային պրոցեսը չխաթարվի։ Իմ հրահանգն ընկել է որոշ մարդկանց ականջով, և նրանք սրանից առիթավորվել են ու սկսել են քննիչների հետ խոսել ձեռ առնելով, արհամարհանքով»,–ասաց Փաշինյանը։

Հարցին, թե «Սպայկայի» աշխատակիցներն ակնկալո՞ւմ են Փաշինյանի միջնորդությունը, և արդյո՞ք պատրաստվում է նա ինչ–որ բան անել` Փաշինյանն արձագանքեց` ասելով, որ 10 ամիս իր «լռելյայն միջնորդությունն» այն մասին է եղել, որ քննությունն այնպես տանեն, որպեսզի ընկերության աշխատանքը չխաթարվի։

«Եթե «Սպայկայի» աշխատակիցներն ուզում են բոյկոտ անել, ուրիշ ընկերություններ ի հայտ կգան, մրցակցային պայմաններ կլինեն, ու կկարգավորվի դաշտը։ Շատ խելոք էլ կաշխատեն, քանի որ ոչ ոք չի ուզի միլիոն դոլարների կորուստ ունենալ, ինչ է թե բոյկոտեն»,–ասաց վարչապետը։

Նրա խոսքով` «Սպայկայի» 7 մլրդ պարտքը ուսուցիչների 1 տարվա աշխատավարձը 10 տոկոսով բարձրացնելու գումարին է համարժեք։

«Հիմա նրանք ինձնից ի՞նչ են ուզում։ Հանգիստ նստեք տեղներդ»,–վերջում ասաց Փաշինյանը։

Նշենք, որ ՀՀ վարչապետ Նիկոլ Փաշինյանն այսօր այցելել է Նորագավիթի մաքսակետ։ Նրան ուղեկցում է ՊԵԿ նախագահ Դավիթ Անանյանը:

Ըստ թեմայի

ՊԵԿ-ը կոչ է անում «Սպայկային» մանիպուլյացիայի չենթարկել հանրային կարծիքը
Թաթոյանը կայցելի կալանավորված Դավիթ Ղազարյանին
«Սպայկայի» պատմությունը և ՀՀ գործարար մթնոլորտը. տնտեսագետը բացատրել է՝ ինչպես չվնասել
թեգերը:
«Սպայկա» ՍՊԸ, Նիկոլ Փաշինյան, Հայաստան

Գլխավոր թեմաներ