05:11 23 ապրիլի 2019
Ուղիղ եթեր
  • USD481.98
  • GBP626.09
  • EUR542.18
  • RUB7.56
Նիկոլ Փաշինյան

Ինչ կլիներ, եթե ՀՀԿ–ականներից մեկին քերծեին. Փաշինյանը խոսեց «ֆեյքերի» դեմ պայքարի մասին

© Sputnik / Aram Nersesyan ,
Հայաստան
Ստանալ կարճ հղումը
15410

ՀՀ վարչապետը վստահեցնում է, որ իր վարչապետության օրոք մամուլի նկատմամբ ճնշում չի կարող լինել։ Նա կրկին խոսեց «ֆեյքերի» մասին։

ԵՐԵՎԱՆ, 9 ապրիլի — Sputnik. ՀՀ վարչապետ Նիկոլ Փաշինյանին հետաքրքրում է` կա՞ այնպիսի մեկը, որ մտածում է, թե Հայաստանում կարող է մամուլի նկատմամբ ճնշում լինել։ Նա այսօր` ապրիլի 9-ին, Նորագավիթի մաքսատանը շրջայց կատարելու ժամանակ այդ հարցն ուղղեց լրագրողներին։

«Ձեզնից որևէ մեկը մտածում է, որ Հայաստանում մամուլի նկատմամբ ճնշում կարող է լինի՞, կա՞ ըտենց մարդ, որ մտածում է, թե այնտեղ, որտեղ ես վարչապետ եմ, կարող է մամուլի նկատմամբ ճնշում լինի, անկեղծ ասեք», - ասաց Փաշինյանը՝ անդրադառնալով դիտարկմանը, թե «ֆեյքերի» մասին իր հայտարարությունը դիտարկվել է մամուլի վրա ճնշում։

Փաշինյանն ավելի վաղ հայտարարել էր, որ սոցցանցերում ու ԶԼՄ–ներում ֆեյքերի և մանիպուլյացիաների դեմ պայքարելու անհրաժեշտություն է հասունացել։ Նա ԱԱԾ ղեկավար Արթուր Վանեցյանին կարգադրել էր զբաղվել այդ հարցով, քանի որ դա նաև ազգային անվտանգության խնդիր է։ Ապրիլի 5-ին հայտնի դարձավ, որ ձերբակալվել է մի անձ, որը Facebook–ում վարել է «Դուխով Հայաստան բաց հասարակություն» էջը։

«Մեր օրենսդրության մեջ ատելության քարոզի հետ կապված կան կարգավորումներ։ Մեր հանրահավաքի օրը, «Դուխով» էջը` դուխով նկարով, մեր սիմվոլներով, ասում է` դանակները վերցրեք ու ՀՀԿ–ին սպանեք։ Եթե հանրապետականներից մեկին քերծեին, որևէ մեկը կարո՞ղ էր ապացուցել, որ մենք չենք կազմակերպել դա։ Մեկ–երկու` արդեն կարող էր այդ կեղծ էջի հայտարարությունները լուրջ հետևանքներ ունենալ»,–ասաց Փաշինյանը։

Հարցին, թե խոսակցություններ կան, որ ֆեյքերի դեմ պայքարը կարող է դիտարկվել որպես ԶԼՄ–ների վրա ճնշում` Փաշինյանը, դիմելով լրագրողներին, հակադարձեց հարցով` ձեր վրա ճնշո՞ւմ զգում եք։ «Որևէ մեկը մտածում է, որ էս Հայաստանում, այնտեղ, որտեղ ես վարչապետ եմ, կարող է մամուլի հանդեպ ճնշո՞ւմ լինել»,–ասաց վարչապետը։

Հիշեցնենք, որ ՀՀ վարչապետ Նիկոլ Փաշինյանն այսօր այցելել է Նորագավիթի մաքսակետ։ Նրան ուղեկցում է ՊԵԿ նախագահ Դավիթ Անանյանը:

Ըստ թեմայի

«Էս ի՞նչ պատմություն ա». Փաշինյանը զանգեց Օսիպյանին
Նիկոլ Փաշինյանը կարգադրեց բոլորին ազատել աշխատանքից
Նիկոլ Փաշինյանը խոսեց «Սպայկայի» տնօրենի կալանավորման ու աշխատակիցների բոյկոտի մասին
թեգերը:
Հայաստանի Հանրապետական կուսակցություն (ՀՀԿ), Նիկոլ Փաշինյան, Հայաստան

Գլխավոր թեմաներ