05:07 23 ապրիլի 2019
Ուղիղ եթեր
  • USD481.98
  • GBP626.09
  • EUR542.18
  • RUB7.56
Գեղամ Գևորգյան

Փողը գնում է այնտեղ, որտեղ պիտի գնար. գյուղնախարարի պաշտոնակատարը` գյուղվարկերի մասին

© Sputnik / Aram Nersesyan ,
Հայաստան
Ստանալ կարճ հղումը
80 0 0

Գյուղատնտեսության ոլորտի ղեկավարը գյուղատնտեսական վարկերն արդյունավետ է համարում։ Նրա խոսքով` գյուղացին այսօր ժամկետանց պարտավորություններ չունի։

ԵՐԵՎԱՆ, 9 ապրիլի — Sputnik. ՀՀ գյուղատնտեսության նախարարի պաշտոնակատար Գեղամ Գևորգյանը վստահեցնում է, որ գյուղացիների համար նախատեսված վարկային ծրագրերը մեծ արդյունավետություն ունեն։ Նա այդ մասին ասաց Sputnik Արմենիայի հետ զրույցում։

«Բազմաթիվ կառույցներ ֆիքսել են, որ նախկինում տրված փոքր վարկերն օգտագործվել են ոչ արդյունավետ և փոշիացվել են։ Այսօր, հակառակը, ֆինանսական մոնիթորինգ իրականացնող բազմաթիվ կառույցներ ֆիքսում են, որ դրանց մեծ մասը գերարդյունավետ է ծախսվում, այսինքն` փողը գնում է այնտեղ, որտեղ պիտի գնար»,– ասաց Գևորգյանը։

Նախարարի պաշտոնակատարի խոսքով` դրանց պահանջարկը Հայաստանի գյուղերում աննախադեպ մեծ է։ Բյուջեով նախատեսված ամբողջ գումարը ծախսվում է, և պաշտոնյան չի բացառում, որ կտեղաբաշխվեն նաև լրացուցիչ գումարներ։

Թե իրականում ինչ արդյունք կտա փողն իր տեղում, պարզ կլինի միայն մի քանի տարի հետո։ Իսկ մինչ այդ նախարարի պաշտոնակատարը նշում է, որ ծրագիրը մեկ տարուց ավելի է, ինչ իրականացվում է, բայց ժամկետանց պարտավորություններ գյուղացիները չունեն։ «Գյուղացին փողը վերցրել, դրել է հողի կամ անասնապահության մեջ և ստացել է արդյունք։ Դրա համար ժամկետանց պարտավորություններ այս պահին չկան»,– ասաց նա։

«Հայաստանում հաշվառված է 320 000 ֆերմեր, անգամ ամենամեծ ցանկության դեպքում կառավարությունը չի կարող միանգամից օգնել բոլորին։ Գևորգյանի խոսքով` այս պարագայում գյուղացուն օգնության են գալիս հենց կառավարության երաշխավորած էժան կամ նույնիսկ անտոկոս վարկային ծրագրերը։

Նշենք, որ կառավարության հաստատած գյուղվարկերի տոկոսադրույքների սուբսիդավորման ծրագրով վարկը գյուղացուն հասանելի է 5 %-ով, գյուղացիական միավորումների ու կոոպերատիվների դեպքում` 3, իսկ սոցիալական աջակցություն ստացող սահմանամերձ բնակավայրերի բնակիչներին` 0 % տոկոսադրույքով։

Վարկի չափը` 3-15 մլն ՀՀ դրամ է, մարման ժամկետը՝ մինչև 5 տարի, վարկի մայր գումարը շուտ մարելու դեպքում գյուղացին ազատվում է տույժ–տուգանքներ ու տոկոսադրույքներ վճարելուց։

Ըստ թեմայի

Ոչ թե գյուղացին պետք է խնդրողի դերում լինի, այլ գործարանը. Փաշինյան
Փաշինյանի անակնկալը ստացվեց. գյուղացիները դժգոհում են, գյուղապետը` արդարանում
Վարկի տակ մնացել, տունս եմ վաճառել. գյուղացին չգիտի՝ ինչ տոկոսներ էին գումարվել իր վարկին
Ինչպես ապրի գյուղացին, իսկ ծառերը չկտրվեն. Գերմանիան կօգնի Հայաստանին պահպանել անտառները
թեգերը:
Հայաստան

Գլխավոր թեմաներ