ԵՐԵՎԱՆ, 9 ապրիլի — Sputnik. ՊԵԿ օպերատիվ հետախուզության վարչության աշխատակիցները «Առինջ մոլից» հեռացան` իրենց հետ տանելով տասից ավելի արկղ ու 4-5 պարկ։ Դրանց պարունակության մասին հարցերին ՊԵԿ աշխատակիցները չպատասխանեցին` նշելով, որ իրավունք չունեն։
Առևտրի կենտրոնի տնօրինությունը ևս այս պահին մեկնաբանություն չի տալիս։ Տնօրենի գրասենյակում ՊԵԿ աշխատակիցները դեռ շարունակում են աշխատել։
«Առինջ մոլում» օպերատիվ գործողությունները շարունակվում են փակ դռների հետևում ։
Հիշեցնենք` այսօր առավոտյան 10։30-ից ՊԵԿ հետախուզական վարչության աշխատակիցները ստուգումներ են իրականացնում Գագիկ Ծառուկյանին պատկանող «Առինջ մոլ» առևտրի կենտրոնում:
ՊԵԿ-ի տեղեկություններով` «Առինջ մոլը» տաղավարների վարձակալությունից ստացած իրական եկամուտները թաքցրել է և դրանց դիմաց քիչ հարկ վճարել։
Առևտրի կենտրոնի տնօրեն Մանվել Հակոբյանն այս մեղադրանքը չի ընդունում։ ՊԵԿ–ի գործողություները որակում է որպես շոու։
