15:24 21 ապրիլի 2019
Ուղիղ եթեր
  • USD482.31
  • GBP627.00
  • EUR542.36
  • RUB7.54
Արտակ Զեյնալյան

Այս հարցը փակում ենք ընդհանրապես. նախարարը` Ռոբերտ Քոչարյանին այցելելու մասին

© Sputnik / Aram Nersesyan
Հայաստան
Ստանալ կարճ հղումը
15110

Զեյնալյանը պատասխանել է կալանավայրում մարտի 1-ի գործով մեղադրվող ՀՀ երկրորդ նախագահ Ռոբերտ Քոչարյանին այցելելու մասին հարցին։

ԵՐԵՎԱՆ, 10 ապրիլի — Sputnik. ՀՀ արդարադատության նախարար Արտակ Զեյնալյանը հարցաքննվել է մարտի 1-ի գործով։ Այսօր լրագրողների հետ զրույցում այս մասին ասաց Զեյնալյանը` նշելով, որ հարցաքննվել է որպես 2008թ–ին ընտրության արդյունքները Սահմանադրական դատարանում վիճարկելու ժամանակ հանդես եկած Լևոն Տեր–Պետրոսյանի ներկայացուցիչ։

Նախարարը հիշեցրեց նաև, որ հանդես է եկել նաև ՄԻԵԴ–ում մարտի 1-ի իրադարձությունների զոհերի շահերի ներկայացուցիչ, բայց նախարար նշանակվելուց հետո այլևս չի ներկայացնում նրանց շահերը` ընդդեմ ՀՀ–ի։

Ինչ վերաբերում է մամուլում առկա տեղեկություններին, թե Զեյնալյանը կալանավայրում այցելել է մարտի 1-ի գործով մեղադրվող ՀՀ երկրորդ նախագահ Ռոբերտ Քոչարյանին, բայց վերջինը չի ցանկացել հանդիպել իրեն, նախարարը ո՛չ հերքեց, ո՛չ հաստատեց այդ լուրերը։

«Որպես արդարադատության նախարար` ես կարող եմ այցելել Հայաստանում ցանկացած խուց և տեսնել յուրաքանչյուր խցի պայմաններ, յուրաքանչյուրի պահման պայմաններ։ Ես իմ այցելությունները միանձնյա չեմ կատարում, Ռոբերտ Քոչարյանը խցում միանձնյա է։ Եվ այստեղ եղած վեճի մասով մենք անհավասար պայմանների մեջ ենք գտնվում։ Եվ պետք է հարգել այդ անձի իրավունքներն ու չբորբոքել։ Մենք կարող ենք ներկայացնել նաև վկաներ` մեր տեսակետը հաստատելու համար, բայց մենք վկաներ չենք ներկայացնում` հարգելով նաև մարդու իրավունքները։ Այս հարցը փակում ենք ընդհանրապես»,– ասաց Զեյնալյանը` հրաժարվելով պատասխանել այդ թեմայի շուրջ լրագրողների հարցերին։

Հիշեցնենք` նախորդ տարվա հուլիսին Քոչարյանը ձերբակալվել է 2008 թվականի մարտին հանրապետությունում սահմանադրական կարգը տապալելու մեղադրանքով։ Նախկին նախագահի փաստաբանները նրան քաղբանտարկյալ են համարում ու վստահեցնում, որ նրան առնչվող քրեական գործընթացները բացարձակ ապօրինություն են։

2019-ի մարտի 15-ին ընդհանուր իրավասության դատարանը բավարարել է Հատուկ քննչական ծառայության միջնորդությունը՝ Ռոբերտ Քոչարյանին կալանքի տակ պահելու ժամկետը ևս 2 ամսով երկարացնելու վերաբերյալ:

Ըստ թեմայի

Ի՞նչ է տեղի ունեցել Ռոբերտ Քոչարյանի և Արման Թաթոյանի հանդիպումից հետո
Ռոբերտ Քոչարյանին տրամադրվել է էլեկտրոնային գիրք՝ առանց համացանցի հասանելիության
ՄԻԵԴ–ը գրանցել է Ռոբերտ Քոչարյանի պաշտպանների երրորդ գանգատը
թեգերը:
Արտակ Զեյնալյան, Ռոբերտ Քոչարյան, Հայաստան

Գլխավոր թեմաներ