17:04 20 սեպտեմբերի 2019
Ուղիղ եթեր
  • USD476.13
  • GBP596.40
  • EUR525.98
  • RUB7.47
Ձվեր

Զատկին ձուն չի թանկանա, բայց հացի ու հավի մսի հարցում բարդ իրավիճակ կլինի

© Photo: Любимов Андрей / АГН "Москва"
Հայաստան
Ստանալ կարճ հղումը
45 0 0

Հայաստանում ցորեն ներկրողները սրտատրոփ սպասում են մայիսին։ Հենց այդ ժամանակ պարզ կդառնա Ռուսաստանում ցորենի բերքի հետ կապված իրավիճակը։ Ցորենի գներն ուղղակիորեն անդրադառնում են ալյուրի և հացի, ինչպես նաև հավի մսի և ձվի գների վրա։

ԵՐԵՎԱՆ, 11 ապրիլի — Sputnik, Լաուրա Սարգսյան. Հայաստանում հացի և հացամթերքի գնաճն անխուսափելի կլինի, եթե Ռուսաստանում ցորենի բերքի ծավալների նվազման մասին փորձագիտական կանխատեսումներն արդարանան։ Sputnik Արմենիայի հետ զրույցում այս մասին ասաց «Մանանա Գրեյն» ալյուր արտադրող խոշոր ընկերության տնօրեն Գուրգեն Նիկողոսյանը։

Մատակարարներն ու փորձագետներն արդեն ահազանգում են, քանի որ Ռուսաստանում այս տարի կանխատեսվում է ցորենի բերքի 16 տոկոս նվազում։ Հետևաբար ցորենի արժեքը կբարձրանա, ինչն անպայման կազդի հայաստանյան գների վրա։

«Ցորենի գնի և հետևաբար ալյուրի գնի բարձրացումը վերջնականապես հնարավոր կլինի կանխատեսել այս տարվա մայիսին։ Եթե իսկապես բերքն ավելի քիչ լինի, ապա դա կազդի գների վրա»,– ասաց Նիկողոսյանը։

Նա հիշեցրեց անցած տարվա իրավիճակը, երբ բերքահավաքից հետո պարզվեց, որ ցորենը սպասվածից ավելի քիչ է։ Դրա հետևանքով գինը բարձրացավ։ 1 տոննա ցորենի համար մատակարարները վճարեցին 15 հազար ռուբլի (մոտ 111 հազար դրամ)` 8500 ռուբլու փոխարեն (մոտ 63 հազար դրամ)։

Ընդ որում, բերքի ծավալների նվազումն այդքան զգալի չէր, ինչպես կանխատեսվում է այս տարի։ Նիկողոսյանի ընկերությունն ամեն տարի Հայաստան է ներկրում 50-80 տոննա ցորեն։ Ընդհանուր առմամբ ամեն տարի Հայաստան է ներկրվում 320-350 տոննա ցորեն։

Եթե ցորեն արտահանողներն առայժմ լուրջ հետևանքներ չեն զգացել և սպասում են մայիսյան կանխատեսումներին, ապա թռչնաբույծներն արդեն քաղում են նախկինում շուկայի այդ հատվածում ստեղծված իրավիճակի պտուղները։ Հայաստանի թռչնաբույծների միության նախագահ Սերգեյ Ստեփանյանը Sputnik Արմենիայի թղթակցի հետ զրույցում նշեց, որ արդեն աճել են համակցված կերի գները։

«Համակցված կերի մեկ կիլոգրամն արդեն թանկացել է 30 դրամով, շուկայում այդ արտադրանքի ինքնարժեքը նույնպես աճել է», – ասաց Ստեփանյանը։

Նա նշեց, որ այդ ամենն ազդել է թռչնամսի գնի վրա, օրինակ` 50 դրամով գինը բարձրացել է։ Միակ դրական նորությունն այն է, որ ձվի գինն առայժմ չի փոխվել։

«Զատկին էլ ձվի գինը չի թանկանա։ Մենք կկարողանանք գնաճը զսպել մեր արտադրողների պաշարների հաշվին», – ասաց Ստեփանյանը։

Հետաքրքրվեցին` թանկացման ֆոնին ինչո՞ւ է ներկրվող հավի միսն ավելի էժան, քան տեղականը։ Ստեփանյանը նշեց, որ լաբորատոր հետազոտությունների արդյունքում ներկրվող թռչնամսի մեջ հայտնաբերվել են խթանիչներ, իսկ հայրենականում` ոչ։

Հիշեցնենք, որ 2017թ–ին Հայաստան է ներկրվել մոտ 50 հազար տոննա եգիպտացորեն` հիմնականում որպես խոշոր եղջերավոր անասունի և թռչունների կեր։

Ըստ թեմայի

Մարգարյան․ «Այո, թանկացումներ կլինեն, նվազագույնը 10-15 տոկոսի չափով»
Կառավարության սահմանած 6000% թանկացման մեջ որևէ տրամաբանություն չկա. Սուրեն Պարսյան
Մեքենաների գազը զգալի թանկացել է. «Ժողովուրդ»
թեգերը:
Հայաստան

Գլխավոր թեմաներ