20:51 26 ապրիլի 2019
Ուղիղ եթեր
  • USD481.33
  • GBP621.06
  • EUR536.06
  • RUB7.43
Զարթոնք գյուղ

Զարթոնքի գյուղապետի նկատմամբ քրեական գործ կհարուցվի՞. փաստերն ուղարկվում են դատախազություն

© Sputnik / Stringer
Հայաստան
Ստանալ կարճ հղումը
142 0 0

Զարթոնքի գյուղապետի աշխատանքում հայտնաբերված առերևույթ հանցագործության փաստերը կներկայացվեն դատախազություն։

ԵՐԵՎԱՆ, 13 ապրիլի — Sputnik. Զարթոնք գյուղի վերջին մի քանի տարիների ֆինանսական փաստաթղթերում հայտնաբերված խախտումներն երկուշաբթի Վերահսկողական ծառայությունից կուղարկվեն դատախազություն։ Այս մասին այսօր Զարթոնքում հավաքված գյուղացիներին ու լրագրողներին հայտնեց Վերահսկողական ծառայության պետի տեղակալ Արգիշտի Քարամյանը։

Նրա խոսքով` հայտնաբերվել են առերևույթ հանցագործության մասին վկայող փաստեր, որոնք, ամենայն հավանականությամբ, երկուշաբթի կստանան համապատասխան իրավական ընթացք։

Թե ինչ հանցանքների մասին են բացահայտումները, Քարամյանը չցանկացավ բացահայտել` նշելով, որ չի ցանկանում խախտել քննության գաղտնիքը։

Զարթոնքի գյուղապետ Պարույր Սարգսյանը, որը ևս ներկա էր այս հայտարարությանը, լրագրողների հարցերին պատասխանելով ` չհերքեց հանցագործության մասին վկայող փաստերի առկայությունը` ասելով. «Ես չեմ ասում, որ չկան։ Լինի, ես պատասխան կտամ դրա համար»։

Глава администрации села Зартонк Паруйр Саркисян
© Sputnik / Aram Nersesyan ,
Պարույր Սարգսյան

 

Վերահսկողական ծառայության պետի տեղակալի և գյուղապետի այս հայտարարությունից հետո Զարթոնքի գյուղացիները ծափողջույններով հրաժեշտ տվեցին իրենց գյուղում ստեղծված լարված իրավիճակի պատճառով գյուղ այցելած Պետական վերահսկողական ծառայության պետ Դավիթ Սանասարյանին ու նրան ուղեկցող այլ պաշտոնյաներին` նրանց ճանապարհելով Երևան։

Գյուղացիները խոստացան հանդարտություն պահպանել գյուղում ու սպասել մինչև խոստացված հայտարարությունների կատարմանն ու իրադարձությունների հետագա զարգացմանը։

Հիշեցնենք` այսօր առավոտյան գյուղում ապրող մի խումբ անձինք հարձակվել էին Զարթոնքի դպրոցի հաշվապահի, ապա գյուղապետի` Պարույր Սարգսյանի տան վրա, ջարդուփշուր էին արել գյուղապետի սեփական և ծառայողական մեքենաները։

Ծեծկռտուքի ժամանակ մասնակիցներից մեկը որսորդական հրացանով կրակել էր օդ։ Ոստիկանության ծառայողները կանխել էին հնարավոր արյունահեղությունը` հանդարտեցնելով գյուղում ոտքի կանգնած զանգվածներին։ Կան բերման ենթարկվածներ, մի քանի հոգի էլ վնասվածքներով տեղափոխվել են հիվանդանոց։

Գյուղի բնակիչների մի մասը փակել էին գյուղի սկզբնամասում գտնվող Երևան-Գյումրի երկաթգիծը և պահանջում էին գյուղապետ Պարույր Սարգսյանի հրաժարականը։

Նախնական վարկածով` կրակողը եղել է գյուղապետի թոռը` Նարեկ Մելքոնյանը։

Զարթոնքի գյուղապետ Պարույր Սարգսյանը խոստացավ երկուշաբթի հայտարարել իր հրաժարականի մասին։

Գլխավոր թեմաներ