15:41 19 հուլիսի 2019
Ուղիղ եթեր
  • USD476.41
  • GBP594.04
  • EUR535.10
  • RUB7.57
Մանվել Գրիգորյան

Ամբաստանյալի աթոռին Մանվել Գրիգորյանը մենակ չի լինի. նրա կողքին կնստի նաև կինը

© Facebook/ Մանվել Գրիգորյան
Հայաստան
Ստանալ կարճ հղումը
Մանվել Գրիգորյանի շուրջ ծավալված իրադարձությունները (194)
45410

Ըստ քրեական գործի, Մանվել Գրիգորյանն իր անօրինական զինանոցը ձեռք է բերել կնոջ՝ Նազիկ Ամիրյանի, որդու՝ Արման Գրիգորյանի և այլ անձանց հետ նախնական համաձայնությամբ։

ԵՐԵՎԱՆ, 17 ապրիլի — Sputnik. ԵԿՄ նախկին նախագահ, ԱԺ նախկին պատգամավոր Մանվել Գրիգորյանի նկատմամբ հարուցված քրեական գործը հասավ դատարան։ Գործի վարույթը հանձնվել է ընդհանուր իրավասության դատարանի դատավոր Մնացական Մարտիրոսյանին։

Այս մասին հայտնում է դատական տեղեկատվական համակարգի datalex.am կայքը։

Հետաքրքրական է, որ քրեական գործով դատարանում ամբաստանյալի աթոռին Մանվել Գրիգորյանը մենակ չի լինի, նրա հետ նույն դատական գործով մեղադրվում է նաև կինը` Նազիկ Ամիրյանը։

Ըստ քրեական գործով հրապարակված տեղեկությունների`Մանվել Գրիգորյանն իր անօրինական զինանոցը ձեռք է բերել կնոջ՝ Նազիկ Ամիրյանի, որդու՝ Արման Գրիգորյանի և քննությամբ չպարզված այլ անձանց հետ նախնական համաձայնությամբ։

Առաջադրված մեղադրանքի համաձայն` Գրիգորյան ամուսիններն ու նրանց որդին ապօրինի կերպով ձեռք են բերել, փոխադրել և իրենց պատկանող երեք տներում պահել հրազեն, ռազմամթերք, ակոսափող հրազենի փամփուշտներ, պայթուցիկ նյութեր,ինչպես նաև կատարել է տարբեր տեսակի հափշտակություններ։

Այդուհանդերձ, Մանվել Գրիգորյանի որդուն` Արման Գրիգորյանին այս քրեական գործով մեղադրանք չի առաջադրվել։ Դատական առաջին նիստի օրը դեռ նշանակված չէ։

Հիշեցնենք` 2018թ.-ի հունիսի 16-ին կատարված խուզարկություններով, ԱԱԾ–ն Արմավիրի մարզի Արշալույս գյուղի Գրիգորյաններին պատկանող առանձնատներում հայտնաբերել էր 17 606 հատ տարբեր տրամաչափի փամփուշտ, 20 հատ «Փ-1» տեսակի ձեռքի բեկորային մարտական նռնակ, 20 «УЗРГМ-2» տեսակի մարտական պայթուցիչներ, 18 հատ կրակոցներ՝ իրենց բաղկացուցիչ մաս կազմող 13 մեկնարկային վառոդային լիցքերով, հրազեն հանդիսացող 40մմ տրամաչափի «РПГ-7В» տեսակի նռնականետ։

Ավելի ուշ ոստիկանությունը խուզարկություն էր կատարել նաև Նազիկ Ամիրյանի եղբոր տանն ու նրա ղեկավարած «ԵԿՄ Ավան» տարածքային բաժանմունքում։ Այստեղ ևս հայտնաբերվել էր զինամթերք։

Նազիկ Ամիրյանը ձերբակալվել էր 2018թ. հունիսի 27-ին։ Ավելի ուշ նրա նկատմամբ խափանման միջոցը փոխարինվել էր չհեռանալու մասին ստորագրությամբ։

թեմա:
Մանվել Գրիգորյանի շուրջ ծավալված իրադարձությունները (194)

Ըստ թեմայի

Մանվել Գրիգորյանը կրկին տեղափոխվել է հիվանդանոց. փաստաբանը մանրամասներ է ներկայացնում
Արտակ Զեյնալյանն ասաց` որ դեպքում ազատ կարձակվի Մանվել Գրիգորյանը
Սասուն Միքայելյանին ծափահարողներից շատերը 2-3 տարի առաջ ծափահարում էին Մանվել Գրիգորյանին
թեգերը:
Հայաստան, Մանվել Գրիգորյան

Գլխավոր թեմաներ