14:10 23 մայիսի 2019
Ուղիղ եթեր
  • USD479.64
  • GBP607.85
  • EUR535.66
  • RUB7.47
Անձրև. Երևան

Եղանակը վատանում է. Հայաստանին սպառնում են ջրհեղեղներ, սողանքներ և քարաթափումներ

© Sputnik / Asatur Yesayants.
Հայաստան
Ստանալ կարճ հղումը
170701

ՀՀ ԱԻ նախարար Ֆելիքս Ցոլակյանը կառավարության նիստում հայտարարեց, թե ինչ բացասական հետևանքների են հանգեցրել վերջին օրերի տեղումները, և ինչ ավելի վատ կանխատեսումներ կան։

ԵՐԵՎԱՆ, 18 ապրիլի — Sputnik. Հայաստանում առաջիկա օրերին ջերմաստիճանը կշարունակի իջնել։ Այս մասին այսօր կառավարության նիստում հայտարարեց ՀՀ ԱԻ նախարար Ֆելիքս Ցոլակյանը։

«Անձրևներ են լինելու հովտային ու նախալեռնային, ձյուն` լեռնային շրջաններում։ Ջերմաստիճանը մինիմալը գիշերը կլինի +3 աստիճան։ Մինուս չի կանխատեսվում»,– ասաց նախարարը։ Նա նաև հայտնեց, որ Հայաստանի որոշ շրջաններում գետերի մակարդակի բարձրացման հետևանքով կա հեղեղումների վտանգ։ Արաքսի մակարդակի բարձրացման հետևանքով հեղեղման վտանգ կա Արմավիրի մարզի Երվանդաշատ գյուղում։

Ակտիվացել են նաև սողանքները։ «6 տեղ մենք սողանքներ ունենք այսօր։ Լոռու մարզում մեկ շատ ակտիվ սողանք ունենք, որը սպառնում է անտառային շերտին։ Կանխատեսվում է անտառային շերտի հոսք դեպի ճանապարհի հատված և մեկ գյուղի ճանապարհ կարող է փակվել։ Մոտ 6000 տոննա հողի զանգված կարող է լցվել ճանապարհի վրա»,– ասաց նա։

Խոսքը Աթան գյուղի մասին է, որն ունի նաև այլընտրանքային ճանապարհ, բայց նախարարի խոսքով, այն շատ վատ վիճակում է և կարիք ունի նորոգման, ինչն այժմ փորձում են իրականացնել։

Անձրևների պատճառով ակտիվացել են նաև քարաթափումները։

«2013թ.–ին հաստատվել է սողանքների հայեցակարգ, որտեղ նշված է, թե գերատեսչություններից յուրաքանչյուրը որ մասով պիտի զբաղվի։ Մենք այստեղ կոորդինացիոն դեր ունենք։ Բայց յուրաքանչյուրն իր մասով պիտի վերանայի, թե ինչ պիտի կատարեն»,– ասաց Ցոլակյանը։

Վարչապետ Նիկոլ Փաշինյանը հրահանգեց արագացնել աշխատանքներն ու արագորեն կազմակերպել բոլոր քայլերը` հնարավոր աղետները կանխելու համար։

Քննարկման ավարտին Ֆելիքս Ցոլակյանը նաև հայտարարեց, որ ապրիլի 18-ին և 19-ին դարձյալ սպասվում են կարկուտներ։Ինչ վերաբերում է ապրիլի 17-ին տեղացած կարկուտնին, այն գյուղնախարարի պաշտոնակատար Գեղամ Գևորգյանի խոսքով, լուրջ վնասներ չի հասցրել գյուղացիական տնտեսություններին։

Ըստ թեմայի

Կարկուտը չի ծեծի. Հայաստանում 1 միլիոն նոր տեսակի ծառ կտնկեն
Երևանի փողոցները գետերի են վերածվել, կամ ջուրը մտնողն անձրևից չի վախենա. տեսանյութ
թեգերը:
եղանակ, ՀՀ կառավարություն, Նիկոլ Փաշինյան, Ֆելիքս Ցոլակյան, Հայաստան

Գլխավոր թեմաներ