22:17 20 հունիսի 2019
Ուղիղ եթեր
  • USD477.53
  • GBP607.42
  • EUR539.80
  • RUB7.55
Արսեն Թորոսյան

Հիվանդանոցներում հատուկ կալանավորների ու դատապարտյալների համար պայմաններ կստեղծվեն

© Photo / official site of the Prime minister of RA
Հայաստան
Ստանալ կարճ հղումը
71 0 0

Արդարադատության նախարարի խոսքով` ազատազրկված անձանց բուժման կազմակերպումն այսօր քաղաքացիական հիվանդանոցներում խնդիրներ է առաջացնում։

ԵՐԵՎԱՆ, 18 ապրիլի — Sputnik. Երևանի 4 և մարզային 2 հիվանդանոցներում կստեղծվեն հատուկ քրեակատարողական բաժանմունքներ։ Այս մասին այսօր կառավարության նիստում հայտարարեց ՀՀ առողջապահության նախարար Արսեն Թորոսյանը` արձագանքելով արդարադատության նախարար Արտակ Զեյնալյանի բարձրացրած խնդրին։

Ըստ Զեյնալյանի` ազատազրկված անձանց բուժման կազմակերպումն այսօր քաղաքացիական հիվանդանոցներում խնդիրներ է առաջացնում նշված անձանց պատշաճ պաշտպանությունն ապահովվելու տեսակետից։ Արդյունքում մեծ է փախուստի հավանականությունը։

«Ստեղծել ենք աշխատանքային խումբ, որը զբաղվում է այդ հարցերի կազմակերպմամբ, որպեսզի կարողանանք կառավարության սահմանած ժամկետի շրջանակներում ապահովել այդ բաժանմունքների ստեղծումը»,– ասաց Արտակ Զեյնալյանը։

Վարչապետ Փաշինյանը հետաքրքրվեց, թե ինչ աշխատավարձ են ստանալու այդ բաժանմունքներում ստեղծվող 30 հաստիքների աշխատակիցները։

Արտակ Զեյնալյանը հայտնեց, որ ստանալու են նույն աշխատավարձը, ինչ ՔԿՀ–ներում աշխատող իրենց գործընկերները։

Քննարկման ընթացքում, ի դեպ, պարզվեց, որ ՔԿՀ–ներում աշխատանքն այնքան էլ հրապուրիչ չէ, և այդ պատճառով այնտեղ այսօր մի քանի 100 թափուր հաստիքներ կան, որոնք չեն համալրվում։

Վարչապետն առաջարկեց հարցը լուծելու համար նշված 30 հաստիքները համալրել ՔԿՀ թափուր հաստիքների հաշվին։

Ըստ թեմայի

Դատապարտյալների խնդիրները Հայաստանում
Քրեակատարողական հիմնարկները կնորոգվեն, բայց ոչ դատապարտյալների գումարներով
Զեյնալյան. «Դատապարտյալների տեսակցությունները կրկնապատկվել են»
թեգերը:
Նիկոլ Փաշինյան, ՀՀ կառավարություն, Արսեն Թորոսյան, Արտակ Զեյնալյան, Հայաստան

Գլխավոր թեմաներ