11:25 18 հոկտեմբերի 2019
Ուղիղ եթեր
  • USD476.43
  • GBP615.98
  • EUR529.69
  • RUB7.45
Военная кепка

Հիվանդանոց տեղափոխված պայմանագրային զինծառայողը մահացավ

© Sputnik / Armine Alexanyan
Հայաստան
Ստանալ կարճ հղումը
229 0 0

Նախնական տեղեկություններով` զորամասի զինանոցում, զինծառայողն իրեն պատճառել է հրազենային մարմնական վնասվածք: Վերջինս տեղափոխվել է Միքայելյան վիրաբուժության ինստիտուտ:

ԵՐԵՎԱՆ, 18 ապրիլի — Sputnik. Կրծքավանդակի ձախ հատվածում հրազենային վնասվածքով հիվանդանոց տեղափոխված պայմանագրային զինծառայողը մահացավ։ Ինչպես հայտնում է ՀՀ քննչական կոմիտեն, զինծառայողի կենսաբանական մահը գրանցվել է ժամը 11:35-ի սահմաններում։

Ինչպես արդեն տեղեկացրել էինք, ՀՀ ՊՆ ռազմական ոստիկանությունից ՀՀ քննչական կոմիտեի Զինվորական քննչական գլխավոր վարչության (ԶՔԳՎ)
չորրորդ կայազորային քննչական բաժնում ստացվել է հաղորդում, որ 2019թ. ապրիլի 18-ին, ժամը 08:20-ի սահմաններում ՀՀ ՊՆ N զորամասի պայմանագրային զինծառայող Ն.Ս-ն զորամասի զինանոցում, ինքն իրեն պատճառել է հրազենային մարմնական վնասվածք: Վերջինս տեղափոխվել է Միքայելյան վիրաբուժության ինստիտուտ:

Դեպքի առթիվ ՀՀ քրեական օրենսգրքի 110-րդ հոդվածի հատկանիշներով հարուցված քրեական գործով կազմված քննչական խումբը, ԶՔԳՎ չորրորդ կայազորային քննչական բաժնի պետ Մ.Ավագյանի գլխավորությամբ մեկնել է դեպքի վայր, որը գտնվում է Երևան քաղաքում տեղակայված զորամասերից մեկում: Կատարվում են անհետաձգելի քննչական և դատավարական գործողություններ:

Անհրաժեշտ բժշկական միջամտություն ցուցաբերելու ժամանակ, ժամը 11:35-ի սահմաններում գրանցվել է Ն.Ս-ի կենսաբանական մահը:

Քրեական գործով նախաքննությունը շարունակվում է:

Ըստ թեմայի

Զինվորի սնունդը կդառնա ավելի որակյալ, խոհանոցը` մաքուր ու ժամանակակից. ՊՆ
Հայ զինվորի լուսանկարը գողացել ու կեղծ լուրեր են տարածում
թեգերը:
ՀՀ քննչական կոմիտե, ՀՀ Պաշտպանության նախարարություն (ՊՆ), Հայաստան

Գլխավոր թեմաներ