19:57 13 դեկտեմբերի 2019
Ուղիղ եթեր
  • USD477.51
  • GBP640.53
  • EUR533.90
  • RUB7.66
Նիկոլ Փաշինյանը Զանգեզուրի կոմբինատում, 2018 թվականի հուլիսի 5

Հանքարդյունաբերող ընկերությունների սեփականատերերը ցույց կտան իրենց «իրական դեմքը»

© Photo : official site of the Prime minister of RA
Հայաստան
Ստանալ կարճ հղումը
114 0 0

Հայաստանում նախատեսում են հանքարդյունաբերող ընկերությունների իրական սեփականատերերի ռեգիստր ստեղծել։

ԵՐԵՎԱՆ, 18 ապրիլի – Sputnik. Հայաստանի հանքարդյունաբերող ընկերությունները մինչև 2019 թվականի նոյեմբերի 30–ը պարտավոր են տեղեկություն ներկայացնել իրենց իրական սեփականատերերի մասին։ Այս մասին այսօր խորհրդարանում ասաց ՀՀ էներգետիկ ենթակառուցվածքների ու բնական պաշարների նախարարի պաշտոնակատար Գարեգին Բաղրամյանը։

Ազգային ժողովում քննարկվում էր Ընդերքի շահագործման օրենսգրքում փոփոխություններ և լրացումներ կատարելու մասին, «Իրավաբանական անձանց պետական գրանցման, իրավաբանական անձանց առանձին ստորաբաժանումների, հաստատությունների և անհատ ձեռներեցների պետական գրանցման մասին» օրենքում փոփոխությունն և լրացումներ կատարելու, ինչպես նաև «Քաղաքացիական ծառայության մասին» օրենքում փոփոխություններ և լրացումներ կատարելու մասին օրինագծերի փաթեթը։

Փոփոխությունները ենթադրում են, որ լեռնահանքային ընկերությունների (այդ թվում նաև օֆշորներում գրանցված) սեփականատերերը պետք է բացահայտեն իրենց բաժնետերերին, այլապես նրանք կզրկվեն արտոնագրից։

«Այս փոփոխությունների փաթեթը կարգավորում է արդյունահանող ընկերությունների իրական սեփականատերերի բացահայտման ամբողջ ընթացքը», – ասաց Բաղրամյանը։

Նրա խոսքով` փաթեթները պատրաստելիս հաշվի են առել Ղազախստանի, Ուկրաինայի, Մոնղոլիայի և եվրոպական մի շարք երկրների իրավական ակտերն ու փորձը։

Պաշտոնյան նշեց, որ Հայաստանում գործող մի շարք ընկերությունների բաժնետերերը գրանցված են օֆշորային գոտիներում։

«Այս օրինագծի իմաստն այն է, որ բոլոր հանքարդյունաբերող ընկերությունները պետռեգիստր ներկայացնեն տվյալները` սեփականատերերից մինչև վերջին ֆիզիկական անձ», – ասաց Բաղրամյանը։

Վարչապետ Նիկոլ Փաշինյանը 2019 թվականի փետրվարին ասել էր, որ Հայաստանի հանքերի մեծ մասը կառավարվում են մի կետից, և այդ կետը բացահայտվելու է։

Ըստ թեմայի

Հայաստանի հանքերի մեծ մասը կառավարվում են մի կետից. Փաշինյան
«Ասա՛ ինձ անունդ, հանքատե՛ր». միգուցե միանգամից ազգայնացնե՞նք
Թեղուտի հանքի պատճառով իրենց այգիներից զրկված 2 գյուղացիները փոխհատուցում կստանան

Գլխավոր թեմաներ