10:20 07 հունիսի 2020
Ուղիղ եթեր
  • USD481.74
  • GBP608.44
  • EUR546.00
  • RUB7.01
Հայաստան
Ստանալ կարճ հղումը
«Հոկտեմբերի 27». ահաբեկչություն, դատավարություն (27)
623 0 0

Սամվել Բաբայանը կարծում է, որ Հոկտեմբերի 27-ի արդար քննության դեպքում քաղաքական գործիչներից շատերը կհայտնվեն ճաղերի հետևում։ Նա պնդում է, որ Նաիրի Հունանյանը խորհրդարան մտնելուց առաջ հանդիպումներ է ունեցել։

ԵՐԵՎԱՆ, 19 ապրիլի — Sputnik. Եթե Հոկտեմբերի 27-ի գործով արդար քննություն սկսվի, բոլոր նրանք, որ հիմա գոռում են, հերթով մտնելու են «կամերա»։ Այսօր` ապրիլի 19-ին, լրագրողների հետ զրույցում այս մասին ասաց ԼՂՀ Պաշտպանության բանակի նախկին հրամանատար, գեներալ–լեյտենանտ Սամվել Բաբայանը:

«Հոկտեմբերի 27-ի դերակատարը (Նաիրի Հունանյանը) ողջ-առողջ է, չէ՞, դատախազությունը, քննիչները բոլորը տեղում են, չէ՞։ Թող նոր քննություն սկսեն: Հիմա էլ ոչ ոք չկա, չէ՞, որ իրանց խանգարի, թող արդար քննություն սկսեն ու պարզեն մեղավորներին։ Եթե իրոք արդար քննություն սկսեն, բոլոր նրանք, որ հիմա գոռում են, հերթով մտնելու են կամերա: Այդ մարդկանցից մի քանիսը այդ տղայի հետ հանդիպել են մինչև այդ դեպքերը: Այ իրանք բոլորը պետք ա գնան կամերա», - ասաց Բաբայանը։

Նա ավելացրեց, որ Նաիրի Հունանյանի հետ մինչ հոկտեմբերի 27-ը հանդիպել են ոչ միայն սպարապետ Վազգեն Սարգսյանի կողմնակիցները, այլև ընդդիմադիրները։ Ըստ նրա` բոլոր այդ մարդիկ պետք է ցուցմունք տան ու ներկայացնեն` ում հետ և ինչ են խոսել։

«Մարդը (Նաիրի Հունանյանը-խմբ) եկել է դրսից և շփվել է մի շարք քաղաքական ու պետական գործիչների հետ։ Ովքե՞ր են եղել այդ մարդիկ, ինչի՞ց են խոսել, ի՞նչ են քննարկել: Հենց հարցերի պատասխանը տան, կպարզվի, որ դրդիչներն էլ իրենք են եղել, թող մտնեն կամերան: Իրենք շատ լավ գիտեն, թե իրենք ով են: Այս ցիրկն էլ, որ խաղում են, փորձում են իրենց արածը գցեն ուրիշի վրա»,-հայտարարեց Բաբայանը:

Հիշեցնենք, որ 1999թ.-ի հոկտեմբերի 27-ին Հայաստանի խորհրդարանում ահաբեկչություն իրականացրած 5 անձինք դատապարտվել են պատժի բարձրագույն աստիճանով` ցմահ բանտարկության: Լրագրող Նաիրի Հունանյանը համարվում է նրանց պարագլուխը։ Հիշեցնենք, որ Հայաստանի պատմության մեջ ամենաաղմկոտ քաղաքական հանցագործության զոհերն էին դարձել խորհրդարանի խոսնակ Կարեն Դեմիրճյանը, կառավարության ղեկավար Վազգեն Սարգսյանը, ինչպես նաև` մեկ նախարար ու հինգ պատգամավոր:

թեմա:
«Հոկտեմբերի 27». ահաբեկչություն, դատավարություն (27)

Ըստ թեմայի

Էլ ի՞նչ կարող էի անել. Քոչարյանը` հոկտեմբերի 27-ի մասին
«Հոկտեմբերի 27»–ը արժանի գնահատական պիտի ստանա. ՀՀ նախագահ
Փաշինյանն ասաց՝ երբ կարելի է վերսկսել «Հոկտեմբերի 27»-ի գործը

Գլխավոր թեմաներ