15:20 12 նոյեմբերի 2019
Ուղիղ եթեր
  • USD477.22
  • GBP610.79
  • EUR526.33
  • RUB7.47
Երեխա

Օդում կախված վիճակը` «Ծիծեռնակ» ամսագրի 90–ամյակի նվեր. ինչու ֆինանսավորում չի հատկացվել

© Sputnik / Asatur Yesayants
Հայաստան
Ստանալ կարճ հղումը
133 0 0

«Ծիծեռնակ» ամսագիրը մասնակցել է կրթության և գիտության կողմից հայտարարված մրցույթին, սակայն չի հաղթել։ Ամսագրին 5 մլն դրամ էր անհրաժեշտ գոյությունը պահպանելու համար։

ԵՐԵՎԱՆ, 20 ապրիլի — Sputnik. Այս տարի մանկապատանեկան «Ծիծեռնակ» ամսագիրը տոնում է իր 90–ամյակը. որպես նվեր` ամսագրի տպագրական ծախսերի համար պետբյուջեով 90 տարվա մեջ առաջին անգամ գումար չի հատկացվել։ Այս մասին Sputnik Արմենիայի հետ զրույցում ասաց «Ծիծեռնակ» ամսագրի խմբագիր Անուշ Վարդանյանը։

«Մեզ ասացին, որ պետք է կրթության և գիտության նախարարության հայտարարած մրցույթին մասնակցենք, ինչն էլ արեցինք ու 5 մլն դրամ բյուջե ներկայացրինք։ Սակայն մեզ վրա խնայեցին` ասելով, որ շատ ենք գումար ուզում։ Սակայն մենք 6 աշխատակից ունենք, որոնց 75-80 000 դրամ աշխատավարձ ենք տալիս, դրան գումարած մեզ հատկացված սենյակի սպասարկման վարձը` էլ ի՞նչ է մնում տակը»,–ասաց Վարդանյանը։

Նրա խոսքով` նրանք, ովքեր ավելի քիչ բյուջե են ներկայացրել, մարդ–խմբագրություն են։ Ամսագրի գոյությունը կախված է օդում, սակայն խմբագրակազմը թևաթափ չի լինում` նախկին 2000 օրինակի փոխարեն` 500 օրինակով են տպագրվել վերջին երկու ամիսներին։ Վարդանյանը նշեց նաև, որ եթե նախկինում ամսագրի գինը 200 դրամ էր, ապա այժմ ստիպված 300 դրամով են վաճառում, բայց դեռ պարզ չէ` արդյո՞ք այդ ամսագիրը կսպառվի։

Редактор журнала «Цицернак» («Ласточка») Ануш Варданян
provided by Anush Vardanyan
Անուշ Վարդանյան

Նրա խոսքով` ուզում են հովանավոր գտնել, որպեսզի գոնե այս մեկ տարին իրենց գոյությունը պահպանեն` մինչև հաջորդ տարի նորից դիմեն ԿԳՆ–ի մրցույթին։

«Այս տարի «Ծիծեռնակի» 90–ամյակն է լրանում, ու չէի ուզի, որ մեր լինել–չլինելու խնդիրը հարցականի տակ դրվեր։ Ինձ համար մտահոգիչ է այն, որ մանկապատանեկան ամսագրի վրա են խնայողություն անում»,–ասաց տիկին Վարդանյանը։

Կրթության և գիտության նախարարությունից էլ տեղեկացրին, որ նախարարությունը գումարի հատկացումը բերել է գնումների դաշտ և ստեղծել մրցակցային պայմաններ։ Ամսագրերը պետք է մասնակցեն նախապես հայտարարված մրցույթին, և, ըստ գնումների մասին օրենքի, հաղթում է այն ընկերությունը, որն առաջարկում է ցածր գին։

Ի դեպ, «Ծիծեռնակի» բախտին են արժանացել նաև «Կանչ», «Աղբյուր» և «Խաբարբզիկ» ամսագրերը. նրանց նույնպես ֆինանսավորում չի հատկացվի։

Խնդրի առնչությամբ Հայաստանի գրողների միությունն ավելի վաղ հայտարարությամբ էր հանդես եկել` նշելով, որ ՀՀ կրթության և գիտության նախարարության անընդունելի քայլը պարարտ հող է ստեղծում երեխաների կրթադաստիարակչական և գեղագիտական ոլորտ պատահական, բացառապես շահադիտական, բիզնես նպատակներ հետապնդողների ներխուժման համար:

Ծիծեռնակ ամսագիրը խորհրդային Հայաստանի առաջին մանկական պատկերազարդ ամսագիրն է, որ հրատարակվել է 1929 թ. Երևանում` սկզբնական «Հոկտեմբերիկ» անվանումով։ Նրա էջերում տպագրվում էին Թումանյանի, Աղայանի, Չարենցի, Խնկոյանի, էլի շատ-շատ անվանի բանաստեղծների ու գրողների գործերը։

Ըստ թեմայի

Թշնամու աչքի առաջ. սահմանապահ Մովսեսի երեխաներն ու հոգևորականները ֆուտբոլ են խաղում
Հայ սակրավորն ու Սիրիայի երեխաները. համացանցում հուզիչ լուսանկար է հրապարակվել
Մենք նրանցից շատ բան ունենք սովորելու. Հարությունյանը ցույց է տվել «արևոտ» երեխաներին
Երևանում առաջին դասարանցիներն իրենց դպրոցը կընտրեն բացառապես էլեկտրոնային եղանակով
թեգերը:
Հայաստան

Գլխավոր թեմաներ