07:51 18 հուլիսի 2019
Ուղիղ եթեր
  • USD476.45
  • GBP590.89
  • EUR534.43
  • RUB7.58
Նիկոլ Փաշինյան

Կգնաս և Ղարաբաղի հարցը կլուծես այսպես. ինչպիսի՞ լուծում է տեսնում Նիկոլ Փաշինյանը

© Photo / official site of the Prime minister of RA.
Հայաստան
Ստանալ կարճ հղումը
ՀՀ վարչապետ Նիկոլ Փաշինյան (804)
38011

Փաշինյանը հայտարարեց, որ ՀՀ ոչ մի ղեկավար Արցախի հարցը միանձնյա լուծելու իրավունք չունի։

ԵՐԵՎԱՆ, 22 ապրիլի — Sputnik. Մենք` որպես ազգ ու որպես պետություն, պետք է հստակ ձևակերպենք, թե ինչպես ենք պատկերացնում Ղարաբաղի հարցի լուծումը։ Այսօր ԵՊՀ Տնտեսագիտության և կառավարման ֆակուլտետի պրոֆեսորադասախոսական կազմի հետ հանդիպման ժամանակ հայտարարեց ՀՀ վարչապետ Նիկոլ Փաշինյանը։

«Այս թեմայի շուրջ մեզ մոտ մինչև հիմա հանրային դիսկուրս չի եղել։ Եվ երբ ես նոր էի վարչապետ դարձել, սոցիալական ցանցերում մեկը գրում էր` այսինչն են ծախսել, մյուսը գրում էր` այնինչն են ծախել։ Մեկն էլ գրում էր` այ, հենց նոր ծախեցին, պրծան»,– ասաց Փաշինյանը` ավելացնելով, որ ինքն իր համար փորձել է պարզել, թե ինչու են այս կասկածները մշտապես ուղեկցում ՀՀ նախկին, ներկա ու ապագա ղեկավարներին։

«Ով գնում է բանակցությունների, հետևից այսպիսի խոսակցություններ են լինում։ Որովհետև երբ դուք ինձ ուղարկում եք Ղարաբաղի հարցը լուծելու, դուք ինձ միանգամից չեք ասում` կգնաս և Ղարաբաղի հարցը կլուծես այսպես»,– ասաց Փաշինյանը։

Ամենակարևոր խնդիրն այս պարագայում, ըստ Փաշինյանի, ղարաբաղյան հարցի լուծման ազգային գաղափարն է։

«20 տարի հետո ի՞նչ պիտի լինի Ղարաբաղի հարցը։ Մենք պատկերացնում ենք, թե 20 տարի հետո Ղարաբաղի անկախությունը պետք է միջազգայնորեն ճանաչված լինի՞, թե՞ դեռ պետք է բանակցելիս լինենք։ Երկուսն էլ տարբերակ են, բայց մենք պետք է հասկանանք` որ ճանապարհով ենք գնում»,– ասաց վարչապետը։

Փաշինյանը նշեց, որ մինչ օրս բանակցությունների գնալիս ինքը որոշակի պատկերացում ունեցել է հարցի լուծման հնարավոր տարբերակի վերաբերյալ, բայց մնում է այն տեսակետին, որ ՀՀ ոչ մի ղեկավար իրավունք չունի այդ հարցը միանձնյա լուծելու։ «Ղարաբաղի հարցի սեփականատերը ամբողջ հայ ժողովուրդն է»,– նշեց Փաշինյանը։

ՀՀ վարչապետն ավելացրեց, որ Ղարաբաղի հարցը պետք է լինի ազգային գաղափարախոսության անբաժան բաղադրիչը։

թեմա:
ՀՀ վարչապետ Նիկոլ Փաշինյան (804)

Ըստ թեմայի

Ինչպես պետք է կարգավորվի Ղարաբաղյան հակամարտությունը. պատասխանում է Սարգսյանը
«Լրացուցիչ ժամանակ կպահանջվի». Լավրովը` Ղարաբաղյան հակամարտության կարգավորման մասին
Հայաստանը երբեք չի հրաժարվելու երկխոսությունից. Փաշինյանը`ղարաբաղյան հակամարտության մասին
Հայաստանը ղարաբաղյան խաղաղ կարգավորման կողմնակից է. Միրզոյանը` Դաշնային Խորհրդում
Սարգսյան. «Ղարաբաղյան հակամարտության կարգավորման գործընթացում հաշտեցման հեռանկար չկա»
թեգերը:
Նիկոլ Փաշինյան, Հայաստան

Գլխավոր թեմաներ