10:38 22 սեպտեմբերի 2019
Ուղիղ եթեր
  • USD476.13
  • GBP596.40
  • EUR525.98
  • RUB7.47
Ռոբերտ Քոչարյան

Ռուսաստանը չունի Քոչարյանի սատարման պաշտոնական դիրքորոշում. Ալեն Սիմոնյան

© Sputnik / Asatur Yesayants
Հայաստան
Ստանալ կարճ հղումը
Ռոբերտ Քոչարյանի գործը (317)
164 0 0

Ըստ Սիմոնյանի, ճիշտ չէ «ՌԴ-ի կողմից սատարում» արտահայտությունը կիրառել Ռոբերտ Քոչարյանի և նրան առնչվող գործի մասին խոսելիս։

ԵՐԵՎԱՆ , 22 ապրիլի — Sputnik. ԱԺ փոխնախագահ Ալեն Սիմոնյանը կարծում է, որ Ռուսաստանում ՀՀ երկրորդ նախագահ Ռոբերտ Քոչարյանի հետ կապված միանշանակ վերաբերմունք և տրամադրվածություն չկա: Այդ մասին նա ասաց այսօր լրագրողների հետ զրույցում։

Ըստ Սիմոնյանի, ճիշտ չէ «ՌԴ-ի կողմից սատարում» արտահայտությունը կիրառել Ռոբերտ Քոչարյանի և նրան առնչվող գործի մասին խոսելիս։

«Դրանք Հայաստանի ներքին գործերն են: Ինչպես մենք չենք խառնվում որևէ երկրի ներքին գործերին, այնպես էլ որևէ այլ երկիր չպետք է խառնվի ՀՀ ներքին գործերին: Կարծում եմ՝ այդ ուղերձը բազմիցս արվել է և հետևություններ մեր գործընկերները կանեն», – նշեց Սիմոնյանը:

Սրան զուգահեռ նա վստահեցրեց, որ ՌԴ իր գործընկների հետ մասնավոր զրույցների ժամանակ ստացած տպավորություններից կարող է պնդել, որ Ռոբերտ Քոչարյանի հետ կապված Ռուսաստանում միանշանակ վերաբերմունք և տրամադրվածություն չկա:

«Նման օֆիցալ դիրքորոշում գոյություն չունի», - ընդգծեց նա։

Հիշեցնենք, որ ապրիլի 22-ին հայտնի դարձավ, որ 2008 թվականի մարտի 1-2–ի իրադարձությունների վերաբերյալ ՀՀ հատուկ քննչական ծառայությունում քննվող քրեական գործից անջատված մասով նախաքննությունն ավարտվել է։ Ռոբերտ Քոչարյանը մեղադրվում է ՀՀ քրեական օրենսգրքի 300.1-րդ հոդվածի 1-ին մասով և 311-րդ հոդվածի 4-րդ մասի 2-րդ կետով` ՀՀ սահմանադրական կարգը տապալելու և առանձնապես խոշոր չափերով կաշառք ստանալու մեջ, Սեյրան Օհանյանն ու Յուրի Խաչատուրովը` 300.1-րդ հոդվածի 1-ին մասով` ՀՀ սահմանադրական կարգը տապալելու մեջ, Արմեն Գևորգյանը մեղադրվում է ՀՀ քրեական օրենսգրքի 38-300.1-րդ հոդվածի 1-ին մասով, 311-րդ հոդվածի 4-րդ մասի 2-րդ կետով և 190-րդ հոդվածի 3-րդ մասի 1-ին կետով` ՀՀ սահմանադրական կարգը տապալելուն օժանդակելու, առանձնապես խոշոր չափերով կաշառք ստանալու և հանցավոր ճանապարհով ստացված գույքն օրինականացնելու մեջ:

թեմա:
Ռոբերտ Քոչարյանի գործը (317)

Ըստ թեմայի

Ռոբերտ Քոչարյանը հանդիպել է իր թոռնիկի հետ. ՀՔԾ պարզաբանում է և մանրամասներ ներկայացնում
Ռոբերտ Քոչարյանը զբոսնում է թոռնիկի հետ. տեսանյութ
Ռոբերտ Քոչարյանը մարդկանց կրակելու հրաման չի տվել. Սամվել Բաբայան
թեգերը:
Ալեն Սիմոնյան, Ռոբերտ Քոչարյան, Հայաստան

Գլխավոր թեմաներ