13:49 24 հուլիսի 2019
Ուղիղ եթեր
  • USD476.13
  • GBP592.26
  • EUR532.17
  • RUB7.54
Արմեն Սարգսյանը Ծիծեռնակաբերդում

Վերապրողների ժառանգների պարտքն է համախմբվել և կերտել զարգացող Հայաստան.ՀՀ նախագահի ուղերձը

© Photo : press office of the President of RA
Հայաստան
Ստանալ կարճ հղումը
Հայոց ցեղասպանություն (192)
105 0 0

ՀՀ նախագահը շնորհակալություն է հայտնում բոլոր այն երկրներին և միջազգային կազմակերպություններին, որոնք ճանաչել են Հայոց ցեղասպանությունը։

ԵՐԵՎԱՆ, 24 ապրիլի — Sputnik. Այսօր համայն հայ ժողովուրդը՝ առաջադեմ մարդկության հետ, աշխարհի բոլոր մայրցամաքների վրա ոգեկոչում է Հայոց ցեղասպանության զոհերի հիշատակը:

Այս մասին ասել է ՀՀ նախագահ Արմեն Սարգսյանը` Հայոց ցեղասպանության տարելիցին հղած իր ուղերձում։

«Ապրիլի 24-ը Օսմանյան Թուրքիայում պետական մակարդակով կազմակերպված և իրականացված հայոց ցեղասպանության անմեղ զոհերի հիշատակի օրն է, իրենց պատմական բնօրրանում բռնությունների ենթարկված և հայրենի հողից տեղահանված մեր բազմաթիվ հայրենակիցների ողբերգությունը վերստին հիշելու, մեր կորցրած հոգևոր, նյութական ու մշակութային արժեքների մասին հիշեցնելու, մարդկության դեմ ուղղված ծանրագույն հանցագործության՝ ցեղասպանության մասին աշխարհին ևս մեկ անգամ բարձրաձայնելու, սթափության և ժխտողականության դեմ պայքարի կոչելու օրը:

Ապրիլի 24-ը մեզ համար խնկարկումի, բայց նաև հարության օր է»,–ասված է նախագահի ուղերձում:

Արմեն Սարգսյանի դիտարկմամբ` Հայոց ցեղասպանության անպատժելիությունը դուռ բացեց մարդկության դեմ հետագա ծանր հանցագործությունների և ցեղասպանությունների առջև: Հիշենք Հոլոքոստը, Կամբոջան, Ռուանդան և մյուս ողբերգությունները:

«Այն զգոնության դաս պետք է լինի բոլորի համար: Մարդկության դեմ գործած այդ ահավոր ոճիրի միջազգային ճանաչումը և դատապարտումը կարևոր քայլ պետք է դառնա դրա կրկնությունը աշխարհում որևէ տեղ բացառելու նպատակով:

Մենք մեր երախտագիտությունն ենք հայտնում բոլոր այն պետություններին, միջազգային կառույցներին և կազմակերպություններին, հոգևոր պետերին և քաղաքական առաջնորդներին, մշակութային, ակադեմիական և գիտական շրջանակների ներկայացուցիչներին, անհատներին, որոնք իրենց համերաշխությունն են հայտնում հայ ժողովրդին և ճանաչում ու դատապարտում Հայոց ցեղասպանությունը»,–ասում է ՀՀ նախագահը:

Նա ընդգծում է, որ գլուխ խոնարհելով սուրբ նահատակների հիշատակի առջև, միևնույն ժամանակ մենք վկայում ենք վերապրելու և մեր Հայրենիքը վերակերտելու աննկուն կամքը:

«Վերապրողների ժառանգներիս պարտքն է համախմբվել մեր ազգային իղձերի շուրջ, հավատարիմ մնալ մեր ինքնությանն ու արժեքներին, խթանել ժողովրդի ստեղծարար ուժերը, կերտել դինամիկ զարգացող ժամանակակից Հայաստան, որը հպարտության առարկա կլինի աշխարհի բոլոր հայերի համար և ունակ՝ պաշտպանելու հայ ժողովրդի անանց իրավունքները»,–ասված է Արմեն Սարգսյանի ուղերձում:

թեմա:
Հայոց ցեղասպանություն (192)

Ըստ թեմայի

ԱՄՆ Կոնգրեսի Հայոց ցեղասպանության մասին Ադամյանի ֆոնդն ապշեցնում է
Ցեղասպանության անմեղ զոհերի հիշատակին. ջահերով երթի տեսանյութը թռչնի թռիչքի բարձրությունից
Հայոց ցեղասպանությունը ճանաչած թուրք գործիչները. ովքե՞ր են նրանք
թեգերը:
Ծիծեռնակաբերդ, Ցեղասպանություն, Արմեն Սարգսյան, Հայաստան

Գլխավոր թեմաներ