21:01 20 սեպտեմբերի 2019
Ուղիղ եթեր
  • USD476.13
  • GBP596.40
  • EUR525.98
  • RUB7.47
В Ереване прошла акция «Бессмертный полк»

Հայաստանում պատրաստվում են Հաղթանակի օրվան. ինչ միջոցառումներ են անցկացվելու

© Youtube/ Sputnik Армения
Հայաստան
Ստանալ կարճ հղումը
101 0 0

Երևանում Գիտության և մշակույթի ռուսական կենտրոնի ղեկավար Սերգեյ Ռիբինսկին պնդում է`պատմությունը պետք է հիշել և ամեն կերպ պետք է դիմակայել պատմությունը կեղծելու տարատեսակ փորձերին։

ԵՐԵՎԱՆ, 26 ապրիլի — Sputnik. Հաղթանակի օրվան նվիրված միջոցառումները Հայաստանում կմեկնարկեն ապրիլի 26-ին։ Այսօր Sputnik Արմենիա մամուլի կենտրոնում հրավիրված ասուլիսի ժամանակ այս մասին ասաց Երևանում Գիտության և մշակույթի ռուսական կենտրոնի ղեկավար Սերգեյ Ռիբինսկին։

Այսպես, ապրիլի 26-ին, ժամը 16:30 Երևանում գիտության և մշակույթի ռուսական կենտրոնում կանցկացվի «Ֆաշիզմի նկատմամբ հաղթանակի պատմությանը վերաբերող թեստ» միջազգային ակցիան։ Իսկ ապրիլի 28-ից մայիսի 9-ը ամբողջ Հայաստանում կամավորները Գեորգիևյան ժապավեններ կբաժանեն` զինվորական փառքի և սերունդների կապի հիշատակի խորհրդանիշ։

«Գեորգիևյան ժապավենը հիշատակի խորհրդանիշ է, որպեսզի երիտասարդները հիշեն, որ այդ պատերազմը եղել է, և որ նրանց պապերն ու պապերի հայրերը հաղթող են եղել։ Պատմությունը չի կարելի մոռանալ, և մենք ամեն կերպ պետք է փորձենք դիմակայել պատմությունը կեղծելու տարատեսակ փորձերին», – ասաց Ռիբինսկին։

Մայիսի 5-ին միջոցառում է նախատեսված Դիլիջանում. երեխաները կհավաքվեն ու կմաքրեն եղբայրական գերեզմանների ու հուշարձանների տարածքը, հետո ծաղիկներ կտնկեն։ Նախատեսվում է նաև ծաղկեպսակներ դնել և ծաղիկներ խոնարհել մարտում ընկած զինվորների հուշարձանի մոտ։

Հիմնական միջոցառումները կանցկացվեն մայիսի 9-ին։ Հաղթանակի օրը կկազմակերպվի «Անմահ գունդ» ակցիան, այնուհետև ծաղիկներ կդնեն Հաղթանակի զբոսայգու անմար կրակ մոտ ։ Երևանում նաև տոնական համերգ կանցկացվի։

Դրանից բացի, «Հիշում ենք» խորագրով ֆլեշմոբ կանցկացվի, որի ընթացքում մարդիկ պատերազմի մասին բանաստեղծություններ կկարդան։

«Ես արդեն իմ ներդրումն արել եմ։ Այդ մտքին դրդեցին տատիս գերեզմանի մասին հուշերը։ Նրա շիրմաքարին գրված է. «Ծնունդով մանկությունից չենք, այլ պատերազմից»», – ասաց ԳՄՌԿ–ի ղեկավարը։

Ռիբինսկին մտադիր է ֆլեշմոբը սկսել "Я родом не из детства..." բանաստեղծությամբ։

ԳՄՌԿ–ի երիտասարդական և միջտարածաշրջանային համագործակցության բաժնի պետ Սոսե Մարտիրոսյանն իր հերթին նշեց, որ միջոցառումների շրջանակում «Պատմական հիշողություն Հայրենական մեծ պատերազմի մասին և սերունդների ժառանգականությունը» թեմայով տեսակամուրջ կանցկացվի Դոնի Ռոստովի երիտասարդության հետ։

ԽՍՀՄ նավատորմի ծովակալ Իսակովի 125-ամյակի կապակցությամբ մայիսի 7-ին կլոր սեղան կկազմակերպվի և կանցկացվի «հաղթանակի թելադրություն» միջոցառումը։

Խոսելով տոնի նշանակության մասին` Ռիբինսկին նշեց, որ Հաղթանակի օրը թույլ է տալիս ևս մեկ անգամ հիշել պատերազմ տեսած հարազատներին ու մտերիմներին, ինչպես նաև նրանց, ովքեր չեն վերադարձել։

«Լուսավոր տոնի նախաշեմին մենք ավելի զգացմունքային ենք դառնում։ Այս տոնը հիշեցնում է պատերազմի բովով անցած ու պատերազմից չվերադարձած մեր հարազատներին», – ասաց Ռիբինսկին։

Նրա խոսքով` հատկապես արդիական է այդ տոնի մասին խոսել հայկական հողի վրա, որը Հայրենական մեծ պատերազմի բազում հերոսներ է տվել։

Նա ընդգծեց, որ ավելի քան 650 հազար հայ ռազմաճակատ են մեկնել, բայց վերադարձել են միայն կեսը։

Հիշեցնենք` Հայաստանում այսօր Հայրենական մեծ պատերազմի ընդամենը 410 վետերան է մնացել։

Ըստ թեմայի

Հայ փրկարարների յուրօրինակ շնորհավորանքը Հաղթանակի օրվա կապակցությամբ
Խորոված և երգեր. ինչպես Մարգարիտա Սիմոնյանը կնշի Հաղթանակի օրը
թեգերը:
Հայաստան

Գլխավոր թեմաներ