ԵՐԵՎԱՆ, 29 Ապրիլ — Sputnik. Երևանում այսօր կայացած Եվրասիական տնտեսական հանձնաժողովի խորհրդի հերթական նիստին մասնակցել են Եվրասիական տնտեսական միության անդամ երկրների փոխվարչապետները:
Ինչպես տեղեկացնում է «Արմենպրեսը», նիստին մասնակցել են ՀՀ փոխվարչապետ Մհեր Գրիգորյանը, Ռուսաստանի առաջին փոխվարչապետ, ֆինանսների նախարար Անտոն Սիլուանովը, Բելառուսի փոխվարչապետ Իգոր Պետրիշենկոն, Ղազախստանի վարչապետի առաջին տեղակալ, ֆինանսների նախարար Ալիխան Սմայիլովը, Ղրղըզստանի փոխվարչապետ Ժենիշ Ռազակովը և Եվրասիական տնտեսական հանձնաժողովի կոլեգիայի նախագահ Տիգրան Սարգսյանը:
Հիշեցնենք, որ դրանից առաջ ԵԱՏՀ խորհրդի նիստը կայացել էր մարտի 29-ին Մոսկվայում, որը նախագահել էր ՀՀ փոխվարչապետ Մհեր Գրիգորյանը: Երևանում Եվրասիական միջկառավարական խորհրդի նիստը՝ կառավարությունների ղեկավարների մակարդակով, կկայանա ապրիլի 30-ին։
