10:43 15 սեպտեմբերի 2019
Ուղիղ եթեր
  • USD476.18
  • GBP592.94
  • EUR528.61
  • RUB7.41
Շենգեն վիզա

Եվրամիությունից ապաստան հայցող ՀՀ քաղաքացիների թիվն ավելի քան 3 անգամ նվազել է

© Sputnik / Aram Nersesyan
Հայաստան
Ստանալ կարճ հղումը
118 0 0

ԵՄ երկրներից ապաստան հայցող քաղաքացիների թվի նվազումը կարող է խթան հանդիսանալ վիզաների ազատականացման երկխոսության մեկնարկի համար։

ԵՐԵՎԱՆ, 30 ապրիլի — Sputnik. 2018 թ. Եվրամիության երկրներից ապաստան հայցող Հայաստանի քաղաքացիների թիվը 2017-ի համեմատ կրճատվել է ավելի քան երեք անգամ։ ԱԺ մամուլի ծառայությունը տեղեկացնում է, որ ՀՀ ԱԺ եվրոպական ինտեգրման հարցերի մշտական հանձնաժողովի նախագահ Արման Եղոյանն այս մասին ասել է Միգրացիոն քաղաքականության մշակման միջազգային կենտրոնի երևանյան գրասենյակի ղեկավար Կարել Հոֆսթրայի և ծրագրի պատասխանատու Անդրեյ Ափոյանի հետ հանդիպման ժամանակ։

«Եթե ԵՄ–ից ապաստան հայցող ՀՀ քաղաքացիների նվազման դինամիկան պահպանվի, ապա կարող ենք արձանագրել, որ վիզաների ազատականացման երկխոսության մեկնարկի համար որևէ քաղաքական խոչընդոտ չկա»,–ասել է Եղոյանը:

Նա նշել է նաև, որ Հայաստանը ոչ միայն տեխնիկապես է պատրաստ ԵՄ–ի հետ վիզաների ազատականացման երկխոսության մեկնարկին, այլև քաղաքականապես։ Եղոյանը հիշեցրել է, որ քաղաքական փոփոխություններից հետո մեր երկիրն աննախադեպ առաջընթաց է արձանագրել մարդու և քաղաքացու հիմնական իրավունքների, խոսքի, մամուլի և հավաքների ազատության պաշտպանության հարցում, ինչը վիզաների ազատականացման գործողությունների պլանի հիմնական պահանջներից մեկն է:

Կողմերը պայմանավորվել են համատեղ ջանքերով մի կողմից բարձրացնել հասարակության իրազեկվածությունը վիզաների ազատականացման գործընթացի նրբությունների մասին, մյուս կողմից` ԵՄ անդամ երկրներին ավելի հանգամանալի ներկայացնել գործընթացին՝ Հայաստանի պատրաստվածության աստիճանը:

Կարել Հոֆսթրան ընդգծել է նաև, որ Եվրամիության աջակցությամբ շուտով կսկսվի Մեղրիի սահմանային անցակետի արդիականացման գործընթացը:

 

Ըստ թեմայի

Հայաստանը չպետք է դիտարկվի որպես փախստականներ ներմուծող երկիր. Փաշինյանը` վիզաների մասին
Հայաստանի և Եվրամիության միջև վիզային ռեժիմը ե՞րբ կդյուրացվի. դեսպանի պատասխանը
Հայաստանում կացության իրավունքի վճարը կհավասարեցվի ամերիկյան վիզայի արժեքին

Գլխավոր թեմաներ