07:30 17 սեպտեմբերի 2019
Ուղիղ եթեր
  • USD476.16
  • GBP592.63
  • EUR526.54
  • RUB7.43
Զարուհի Բաթոյան

Մայիսը դառնալու է աշխատանքային իրավունքների հանրային քննարկումների ամիս. նախարար

© Sputnik / Asatur Yesayants.
Հայաստան
Ստանալ կարճ հղումը
32 0 0

Աշխատանքի և սոցիալական հարցերի նախարարը մայիսմեկյան ուղերձում հայտնել է, որ տեղյակ է Հայաստանում աշխատանքի, աշխատանքային իրավունքների պաշտպանության, արժանապատիվ վարձատրության, աշխատելու համար հավասար հնարավորությունների խնդիրներից։

ԵՐԵՎԱՆ, 1 մայիսի — Sputnik. Մայիսը լինելու է ծրագրերի մեկնարկի, աշխատանքային իրավունքների մասին հանրային քննարկումների և դրանց արդյունքում օրենսդրական առաջարկներ մշակելու ամիս։ Այս մասին ասված է ՀՀ աշխատանքի և սոցիալական հարցերի նախարար Զարուհի Բաթոյանի մայիսմեկյան ուղերձում։

Շնորհավորելով ՀՀ քաղաքացիներին Աշխատանքի օրվա առիթով` նախարարը նշում է, որ տեղյակ է, որ բազմաթիվ հայաստանցիներ աշխատանքի, աշխատանքային իրավունքների պաշտպանության, արժանապատիվ վարձատրության և աշխատելու համար հավասար հնարավորությունների խնդիրներ ունեն։

«Մենք պետք է հատուկ ուշադրություն դարձնենք մարդկանց կարողությունների զարգացմանը, նրանց համար ապահով միջավայրի ստեղծմանը և իրավունքների մասին իրազեկության բարձրացմանը։ Հատկապես կարևորում ենք արհմիությունների դերի բարձրացումը, նոր միավորումների ստեղծումը և դրանց անկախ գործունեության ապահովումը մեր երկրում»,– ասված է Զարուհի Բաթոյանի ուղերձում։

Նախարարը հայտնում է, որ հավատում է` աշխատանքը Հայաստանում պետք է դառնա ոչ միայն արժանապատիվ ապրելու միջոց, այլև ինքնադրսևորման, զարգացման, ազատ և երջանիկ ապրելու հնարավորություն։

Ըստ թեմայի

Սարգսյանն Աշխատանքի օրվա առթիվ ուղերձ է հղել
Ուղղենք մեր մեջքը, հավատանք մեր ուժերին. Փաշինյանը մայիսմեկյան շնորհավորական ուղերձ է հղել
Ավելի քան 100 հազար մարդ` քայլերթի. Մոսկվայում տոնում են Մայիսի 1-ը․ տեսանյութ
թեգերը:
Զարուհի Բաթոյան, Հայաստան

Գլխավոր թեմաներ