21:53 17 հունիսի 2019
Ուղիղ եթեր
  • USD477.83
  • GBP601.49
  • EUR535.70
  • RUB7.43
Ռոբերտ Քոչարյան

Դատավոր Վարդան Գրիգորյանը կհրաժարվի՞ Քոչարյանի գործից. «Ժողովուրդ»

© Sputnik / Asatur Yesayants
Հայաստան
Ստանալ կարճ հղումը
Ռոբերտ Քոչարյանի գործը (247)
109 0 0

Թերթի դիտարկմամբ` Երևանի ընդհանուր իրավասության դատավոր Վարդան Գրիգորյանը Մարտի 1-ի գործի վարույթից հրաժարվելու օրինական հիմք ունի։

ԵՐԵՎԱՆ, 2 մայիսի — Sputnik. Մարտի 1-ի գործով նշանակված դատավոր Վարդան Գրիգորյանը պատրաստվում է ինքնաբացարկ հայտնել։ Այս մասին տեղեկություններ է ներկայացնում «Ժողովուրդ» օրաթերթը` հիշեցնելով, որ ՀՀ քրեական դատավարության օրենսգրքի 90-րդ հոդվածի համաձայն՝ դատավորը պարտավոր է ինքնաբացարկ հայտնել, եթե նա տեղյակ է այնպիսի փաստերի կամ հանգամանքների մասին, որ կարող են ողջամիտ կասկած հարուցել տվյալ գործով նրա անկողմնակալության շուրջ:

Թերթի համոզմամբ` դատավոր Գրիգորյանը նման հիմք ունի։ Նա 2006-2007թթ. աշխատել է Հայաստանի իրավաբանների միությունում, իսկ 2007-2014թթ. աշխատել է որպես հանրային պաշտպան: Այդ ժամանակահատվածում ՀՀ փաստաբանների պալատի նախագահ է եղել Ռուբեն Սահակյանը, որը ներկայում Մարտի 1-ի գործով մեղադրյալ, ՀՀ երկրորդ նախագահ Ռոբերտ Քոչարյանի պաշտպանն է:

«Ու Գրիգորյանն այս առումով կարող է կաշկանդված լինել, երբ, որպես պաշտպան, դատարանում ներկայանա իր նախկին ղեկավարը»,– գրում է թերթը։

Հիշեցնենք` Մարտի 1-ի գործով մեղադրական եզրակացությունն ընդունվել է դատարանի վարույթ, բայց նիստի օրն առայժմ նշանակված չէ։

Գործը մակագրվել է Երևանի ընդհանուր իրավասության դատարանի դատավոր Վարդան Գրիգորյանին։

Նշենք` մինչ այդ տեղեկություններ էին տարածվել, որ դատավորները հրաժարվում են այս գործն ընդունել։ Այդ մասին տեղեկություններն ապրիլի 29-ի ասուլիսում չհերքեց նաև ՀՀ արդարադատության նախարար Արտակ Զեյնալյանը` նշելով, որ դատավորների վարքագծի վերջնական գնահատականը կարող է տալ միայն բարձրագույն դատական խորհուրդը։

թեմա:
Ռոբերտ Քոչարյանի գործը (247)

Ըստ թեմայի

Ինչ է սպասում Ռոբերտ Քոչարյանի գործից հրաժարված դատավորներին. «Ժողովուրդ»
Սեդրակ Քոչարյանի գործով դատարանի որոշումը կբողոքարկենք. Վանեցյան
Ինչու են դատավորները հրաժարվում Ռոբերտ Քոչարյանի գործից. նախարարի պատասխանը
թեգերը:
Ռոբերտ Քոչարյան, «Մարտի 1–ի» գործով դատավարություն, Հայաստան

Գլխավոր թեմաներ