03:25 23 սեպտեմբերի 2019
Ուղիղ եթեր
  • USD476.13
  • GBP596.40
  • EUR525.98
  • RUB7.47
Социальная сеть

Պաշտոնյաները նեղվում են սոցցանցերում հայհոյանքներ շալակելուց. կլինի՞ պատասխանատվություն

© Sputnik / Asatur Yesayants
Հայաստան
Ստանալ կարճ հղումը
7120

ՀՀ գլխավոր դատախազն ԱԺ ԲՀԿ–ական պատգամավորին առաջարկեց ցանկության դեպքում օրենսդրական փաթեթ մշակել` վիրավորանքը քրեականացնելու համար։

ԵՐԵՎԱՆ, 2 մայիսի — Sputnik. Պաշտոնյաներն ու Ազգային ժողովի պատգամավորները, երբ ԱԺ–ից կամ այլ ամբիոնից ինչ-որ հայտարարություն են անում, ոչ թե մտածում են, թե ինչ քաղաքական գնահատական կտրվի դրան, այլ երեկոյան համացանցում ինչ հայհոյանքներ կշալակեն։ Ազգային ժողովում` պետաիրավական հարցերի հանձնաժողովի նիստի ժամանակ, նման կարծիք հայտնեց ԲՀԿ–ական պատգամավոր Գևորգ Պետրոսյանը։

Նա ՀՀ գլխավոր դատախազ Արթուր Դավթյանից հետաքրքրվեց, թե դատախազությունն ի՞նչ քայլեր է անում այս ամենի կանխարգելման համար, քանի որ այս առումով Ոստիկանությունը կոնկրետ անգործություն է դրսևորում։

Ի պատասխան Դավթյանը նշեց, որ հայհոյանքը խուլիգանություն դիտարկելու օրինակ երբևէ չի եղել։ «Համացանցային հարձակումները տհաճ են ցանկացած մարդու և պաշտոնյայի համար։ Սա, իմ գնահատականով, անընդունելի երևույթ է։ Սակայն ես համաձայն չեմ, որ իրավապահ մարմիններն անգործություն են դրսևորում. ոչ, նրանք չեզոքություն են դրսևորում։ Հայհոյանքը խուլիգանություն դիտարկելու օրինակ երբևէ չեմ հանդիպել` այն դասական վիրավորանքի ձև է»,–ասաց նա։

Դիմելով Գևորգ Պետրոսյանին` դատախազն ասաց, որ եթե ուզում է, ապա կարող է օրենսդրական նախաձեռնություն մշակել ու վիրավորանքը քրեականացնել, որպեսզի իրավապահ մարմիններն էլ վիրավորանքի բոլոր դեպքերի հետևից գնան։

Ըստ թեմայի

Աշխատանքային օրենսգրքում տարիքային խտրականությունն արգելող հոդվածը մերժվեց
84 մլրդ դրամի պետությանը պատճառված վնաս է բացահայտվել. գլխավոր դատախազն ասաց`ինչպես
Հայաստանում գոյություն ունեն գոյություն չունեցող նպաստառուներ. Փաշինյան
թեգերը:
Բարգավաճ Հայաստան կուսակցություն (ԲՀԿ), ՀՀ Ազգային ժողով, Արթուր Դավթյան, Հայաստան

Գլխավոր թեմաներ