19:17 20 հոկտեմբերի 2019
Ուղիղ եթեր
  • USD476.34
  • GBP614.19
  • EUR530.17
  • RUB7.45
Մանվել Գրիգորյանի դատ

«Հերոսը չի սողում, իսկ շոու սարքելը հեշտ է». Նազիկ Ամիրյանը`Մանվել Գրիգորյանի մասին

© Sputnik / Aram Nersesyan ,
Հայաստան
Ստանալ կարճ հղումը
Մանվել Գրիգորյանի շուրջ ծավալված իրադարձությունները (208)
24701

Նազիկ Ամիրյանի խոսքով` իրենց առանձնատանը հայտնաբերված զենք–զինամթերքն օրինական է։

ԵՐԵՎԱՆ, 2 մայիսի — Sputnik. Հերոսը չի սողում։ Այս մասին այսօր դատարանում ասաց Արցախի հերոս, նախկին պատգամավոր Մանվել Գրիգորյանի կինը` Նազիկ Ամիրյանը, որը նույնպես նույն գործի շրջանակում ամբաստանյալ է։

«Հերոսը չի սողում, եթե իրանց թվում ա, որ չորեքթաթ պիտի գնան, ուրեմն թող իրանք գնան»,–լրագրողներին ասաց Նազիկ Ամիրյանը։

Այդ դեպքում լրագրողները հետաքրքրվեցին`արդյո՞ք նորմալ է, որ հերոսի բնակարանից նման չափի զենքեր, գողացված իրեր, զինվորի սնունդ են գտնել։

«Շոու սարքելը շատ հեշտ է, իսկ ապացուցելը հետո կերևա դատարանում»,–պատասխանեց Նազիկ Ամիրյանը` հավելելով, որ այդ զենք-զինամթերքը բոլորը օրինական են։

Նշենք, որ ԱԺ նախկին պատգամավոր, գեներալ-լեյտենանտ Մանվել Գրիգորյանի փաստաբան Լևոն Բաղդասարյանը իր պաշտպանյալի խափանման միջոց կալանավորումը գրավով փոխել միջնորդություն է ներկայացրել։ Որպես գրավի չափ առաջարկվեց 10մլն դրամը։ Իր միջնորդությունը պաշտպանը մեկնաբանում է հետևյալ կերպ` Մանվել Գրիգորյանը, մնալով ազատության մեջ, չի խոչընդոտի գործի քննությանը։

Հիշեցնենք, որ Գրիգորյանը ներկայումս գտնվում է քաղաքացիական հիվանդանոցում։Վատառողջ լինելու պատճառով նա չէր ներկայացել այսօրվա դատական նիստին։ Փոխարենը նիստին մասնակցում է Մանվել Գրիգորյանի կինը, նույն գործով ամբաստանյալ Նազիկ Ամիրյանը։

թեմա:
Մանվել Գրիգորյանի շուրջ ծավալված իրադարձությունները (208)

Ըստ թեմայի

«ՄԻԵԴ–ը չի մերժել Մանվել Գրիգորյանի պաշտպանների դիմումը». պաշտպանն այլ բան է պնդում
Մանվել Գրիգորյանին դիտավորյալ խոշտանգել են. հայտարարել է փաստաբանը
Մանվել Գրիգորյանն իր դատավարությանը կսպասի կալանքի տակ
թեգերը:
Մանվել Գրիգորյան, Հայաստան

Գլխավոր թեմաներ