10:08 01 հունիսի 2020
Ուղիղ եթեր
  • USD483.91
  • GBP597.53
  • EUR533.66
  • RUB6.83
Հայաստան
Ստանալ կարճ հղումը
Ռոբերտ Քոչարյանի գործը (415)
52810

Հայաստանի գլխավոր դատախազությունը հայտնել է, թե ինչու չի կարող կատարել Բակո Սահակյանի և Արկադի Ղուկասյանի խնդրանքը։

ԵՐԵՎԱՆ, 7 մայիսի — Sputnik. Արցախի նախագահների` ՀՀ գլխավոր դատախազին հասցեագրած դիմումի քննարկումը ներկա փուլում դուրս է ՀՀ դատախազության լիազորությունների տիրույթից։ Այս մասին նշված է ՀՀ գլխավոր դատախազության պարզաբանման մեջ։

Արցախի Հանրապետության նախագահ Բակո Սահակյանը և երկրորդ նախագահ Արկադի Ղուկասյանը դիմել էին ՀՀ գլխավոր դատախազ Արթուր Դավթյանին՝ մայիսի 9-ին ընդառաջ ՀՀ երկրորդ նախագահ Ռոբերտ Քոչարյանի խափանման միջոցը փոխելու խնդրանքով:

«ՀՀ քրեական դատավարության օրենսգրքի 151-րդ հոդվածի համաձայն՝ խափանման միջոցը կարող է փոփոխվել քրեական վարույթն իրականացնող մարմնի կողմից: ՀՀ հատուկ քննչական ծառայությունում նախաքննությունը մեղադրական եզրակացության կազմմամբ ավարտված քրեական գործը՝ ըստ մեղադրանքի նաև Ռոբերտ Քոչարյանի, 2019 թվականի ապրիլի 29-ին ըստ էության քննելու համար ուղարկվել է Երևան քաղաքի ընդհանուր իրավասության դատարան»,–նշված է դատախազության հաղորդագրության մեջ։

Քանի որ տվյալ քրեական գործն այժմ գտնվում է Երևան քաղաքի ընդհանուր իրավասության դատարանում, ՀՀ դատախազությունը տվյալ քրեական գործով վարույթն իրականացնող մարմինը չէ։

Հիշեցնենք, որ Բակո Սահակյանը և Արկադի Ղուկասյանը հայտնել էին, որ պատրաստ են հանդես գալ ցանկացած հրապարակային երաշխիքով, որն անհրաժեշտ կլինի Քոչարյանի՝ մեկուսարանից ազատ արձակվելու և կայանալիք դատավարության ողջ ընթացքում ազատության մեջ լինելու համար։

թեմա:
Ռոբերտ Քոչարյանի գործը (415)

Ըստ թեմայի

«Չկա այդպիսի բան». գլխավոր դատախազը պատասխանեց Ռոբերտ Քոչարյանի փաստաբաններին
Քոչարյանի գրասենյակից առգրավել են կրիչներ, համակարգիչ, որսորդական հրացաններ. փաստաբան
Քոչարյանն ընդդեմ Փաշինյանի. հայտնի է առաջին նիստի օրը
Ո՞վ է Ռոբերտ Քոչարյանի և մյուսների գործով դատավոր Գրիգորյանը. «Հրապարակ»
Սահմանադրական դատարանը Ռոբերտ Քոչարյանի օգտին որոշում է կայացրել
թեգերը:
Ռոբերտ Քոչարյան, Հայաստան

Գլխավոր թեմաներ