10:34 22 սեպտեմբերի 2019
Ուղիղ եթեր
  • USD476.13
  • GBP596.40
  • EUR525.98
  • RUB7.47
Էդմոն Մարուքյան

Երևանի խնդիրների պատասխանատուն Փաշինյանն է. Մարուքյան

© Sputnik / Asatur Yesayants
Հայաստան
Ստանալ կարճ հղումը
4401

Էդմոն Մարուքյանը կարծում է, որ Հայաստանում ֆինանսական միջոցներն անարդարացի են բաշխվում։

ԵՐԵՎԱՆ, 7 մայիսի – Sputnik. «Լուսավոր Հայաստան» խմբակցության ղեկավար Էդմոն Մարուքյանին մտահոգել է Երևանի քաղաքապետ Հայկ Մարությանի և քաղաքապետարանի աշխատակիցների աշխատավարձների բարձրացման հարցը։ Այսօր նա այդ մասին խոսեց Ազգային ժողովի ամբիոնից։

«Բոլոր խնդիրները լուծվել են Երևանում, հիմա Երևանի քաղաքապետի աշխատավարձը պիտի կրկնապատկվի՞։ Հայաստանում ֆինանսական միջոցներն անարդարացի են բաշխվում: Հայաստանի մյուս քաղաքներում մանկապարտեզները վճարովի են: Այս փողերով կարելի է այնպես անել, որ նույնիսկ մարզերում մանկապարտեզները լինեն անվճար: Բայց այդ գումարները հիմա օգտագործվում են քաղաքապետարանի բյուջեն ուռճացնելու ու ծախսը մեծացնելու նպատակով»,- ասաց Մարուքյանը` հիշեցնելով, որ թեև Երևանի քաղաքապետարանը տեղական ինքնակառավարման մարմին է, բայց պետությունն ունի եկամուտների ու ծախսերի համահարթեցման պարտավորություն:

Մարուքյանն ԱԺ ամբիոնից դիմեց նաև քաղաքապետին ու Երևանի ավագանու իշխող խմբակցության անդամներին: «Ուզում եմ ձեզ հիշեցնել` դուք չեք ընտրվել որպես Երևանի իշխանություն: Վարչապետը պառլամենտը ցրելու համար երևանցիներին կոչ արեց ձայն տալ «Իմ քայլը» դաշինքին: Եվ ժողովուրդը ձայն է տվել «Իմ քայլը» դաշինքին»,- ասաց Մարուքյանը` շեշտելով, որ այդ ձայները Նիկոլ Փաշինյանինն են, հետևաբար Երևանում առկա բոլոր խնդիրների պատասխանատուն նույնպես Նիկոլ Փաշինյանն է:

Երևանի քաղաքապետի մամուլի խոսնակ Հակոբ Կարապետյանը երեկ Facebook սոցիալական ցանցի իր էջում այս մասին գրել է Երևանի քաղաքապետարանի 1700 աշխատակցի աշխատավարձերը կբարձրանան շուրջ 30%-ով:

Ըստ թեմայի

Երևանի քաղաքապետարանի աշխատակիցները կշարունակեն պարգևավճարներ ստանալ. Մարության
Նիկոլ Փաշինյանը որոշել է արձակուրդ գնալ
Սուպերվարչապետ չի լինի, բայց Նապոլեոն նախարարներ կլինեն
Համազասպ, մի քիչ զուսպ եղեք. ԱԺ–ում փոխադարձ վիրավորանքներ հնչեցին
Անփող պատգամավորները. քանի պատգամավորի բնակվարձը կփոխհատուցվի բյուջեից. «Հրապարակ»
թեգերը:
Էդմոն Մարուքյան, Նիկոլ Փաշինյան, Հայաստան

Գլխավոր թեմաներ