00:43 25 հունիսի 2019
Ուղիղ եթեր
  • USD477.81
  • GBP609.64
  • EUR544.32
  • RUB7.60
Շիրակի մարզին մէջ «գլխատման քարը»

Շիրակի մարզին մէջ «գլխատման քար» կայ. առասպե՞լ, թէ՞ իրականութիւն

© Sputnik / Armenuhi Mkhoyan
Հայաստան
Ստանալ կարճ հղումը
Sputnik Արմենիան` արևմտահայերենով (220)
93 0 0

Շիրակի մարզին մէջ քար մը կայ, որուն հնարաւոր չէ հասնիլ առանց յատուկ թոյլտուութեան ու սահմանապահի ուղեկցութեան: Ամէն տարի ապրիլ 24-ին այս քարին վրայ թարմ ծաղիկներ կը դրուին ու մոմեր կը վառուին: Քարը ոչ միայն իւրայատուկ է իր տեսքով, այլ նաեւ հետաքրքիր պատմութիւն ունի:

Արմենուհի Մխոյեան, Sputnik

Շիրակի մարզի Խարկով եւ Հայկաձոր գիւղերու սահմանին  հսկայ քար մը կայ, որ հնարաւոր է գտնել միայն տարածքին քաջածանօթ մէկու մը ուղեկցութեամբ: Քարին մասին տարբեր պատմութիւններ կը պատմեն` մէկը միւսէն ահասարսուռ: Sputnik Արմենիայի թղթակիցը` հետաքրքրութենէն դրդուած, սահմանապահներու ուղեկցութեամբ այցելեց այդ տարածքը:

Այստեղէն Անին շատ մօտ է. նոյնիսկ անզէն աչքով  կարելի է տեսնել Հայոց թագաւոր Աբաս Բագրատունիի (929–953) օրօք կառուցուած Հոռոմոսի վանքը: Մամռապատ քարին խորհրդաւորութիւն կու տան վրան դրուած մոմերն ու կակաչները:

Աստիճանաձեւ քարը ուղիղ կեդրոնին մէջ  գլխաչափ անցք մը ունի: Հաւանաբար հէնց ատոր պատճառով ալ գիւղաբնակները համոզուած են, որ քարին մասին սարսափելի պատմութիւնները ճիշդ են: Հայկաձորցիներէն մաս մը վստահ է, որ 1920 թուականին թուրքերը հէնց այս քարին վրայ  գլխատած են իրենց չենթարկուող հայերուն: Միւսներն այլ բացատրութիւն կու տան` հեթանոսական զոհասեղան է: Ոմանք ալ կը պնդեն, որ սա Բագրատունեաց իշխաններու պատիժի քարն է:

Հայկաձոր ծնած Միշա Աբրահամեան քարի պատմութիւնը փոքր տարիքէն լսած է, բայց միշտ` տարբեր մեկնութիւններով:

  • Շիրակի մարզին  «գլխատման քարը»
    Շիրակի մարզին «գլխատման քարը»
    © Sputnik / Armenuhi Mkhoyan
  • Շիրակի մարզին  «գլխատման քարը»
    Շիրակի մարզին «գլխատման քարը»
    © Sputnik / Armenuhi Mkhoyan
  • Շիրակի մարզին «գլխատման քարը»
    Շիրակի մարզին «գլխատման քարը»
    © Sputnik / Armenuhi Mkhoyan
  • Շիրակի մարզին «գլխատման քարը»
    Շիրակի մարզին «գլխատման քարը»
    © Sputnik / Armenuhi Mkhoyan
  • Շիրակի մարզին «գլխատման քարը»
    Շիրակի մարզին «գլխատման քարը»
    © Sputnik / Armenuhi Mkhoyan
1 / 5
© Sputnik / Armenuhi Mkhoyan
Շիրակի մարզին «գլխատման քարը»

«Հնարաւոր է, որ թուրքերն ալ  այդ քարը որպէս գլխատման տեղ օգտագործած են, բայց կ’ըսեն, որ քարը հէնց այդ նոյն նպատակով նաեւ Բագրատունեաց ժամանակներուն  օգտագործուած է` դատաւորական նիստերու ու որոշումներու ժամանակ: Մահապատիժի դատավճիռը կայացնելէ յետոյ մեղաւորները գլխատուած են հէնց այդ քարին վրայ»,– Sputnik Արմենիային ըսաւ ան:

Հայկաձոր համայնքի վարչական ղեկավար Սէյրան Սմբատեանն ալ կը կարծէ, որ քարը լուրջ ուսումնասիրման կարիքը ունի:

«Ինծի հասած պատմութեան համաձայն` ատիկա հէնց Բագրատունեաց պատժաքարը եղած է: Ամէն պարագայի, քանի որ քարին վրայ արիւն  թափուած է, մենք սահմանապահներու թոյլտուութեամբ ամէն տարի ապրիլ 24-ին այդ քարին վրայ ծաղիկներ կը դնենք, մոմ կը վառենք ու կ’աղօթենք»,-նշեց Սմբատեան:

Գլխատման քարին մասին աւելի ստոյգ տեղեկութիւններ ստանալու համար պէտք է տարածքն ուսումնասիրուի, որ անհնար է, որովհետեւ կը գտնուի հայ–թրքական սահմանի չէզոք գօտիին մէջ: Սակայն նոյնիսկ առանց այդ ուսումնասիրման ալ հայկաձորցիները պիտի շարունակեն տարին գոնէ մէկ անգամ ծաղիկ դնել ու մոմ վառել` այս քարին վրայ տարբեր ժամանակներու իրենց մահկանացուն կնքած մարդոց յիշատակին:

թեմա:
Sputnik Արմենիան` արևմտահայերենով (220)

Ըստ թեմայի

Իսլամական դամբարանի պատկերը հայկական թղթադրամի վրայ Երեւանի մէջ վրդովմունք յառաջացուցած է
Հին ինքնաշարժ ալ չես գներ. ի՞նչ կը փոխուի Հայաստանի մէջ ինքնաշարժ սիրողներուն համար
Հնավայր «Երեւան մոլ»-ին մէջ. ի՞նչ թաքնուած է երեքհազարամեայ դամբարանի որմնախորշերուն մէջ
թեգերը:
Հայաստան, Գյումրի

Գլխավոր թեմաներ